Hay Tene Ba Fin el Terorismo?
Si tiene ataque de terorismo, a posible pregunta tu na de tuyu mismo cuerpo: ‘Tiene ba queber el Dios? Porque ta sucede este maga cosas? Hay tene ba este fin? Paquemodo yo puede enfrenta con este miedo que ta sinti yo?’ El Biblia ta contesta con ese maga pregunta.
Cosa ta sinti el Dios acerca na terorismo?
Ta odia el Dios con el violencia y terorismo. (Salmo 11:5; Proverbio 6:16, 17) Y si Jesus, el representante del Dios, ya corecta con el de suyu maga dicipulo cuando ya actua sila na violente manera. (Mateo 26:50-52) Maskin ta clama el cuanto que ta comete sila maga violente ataque por causa con Dios, nuay le dale kanila el derecho para hace se. Gane, gendeh ta oi el Dios con el diila maga rezo.—Isaias 1:15.
Tiene queber el Dios con todo aquellos quien ta sufri, incluido aquellos quien ya sale afectao na maga ataque de terorismo. (Salmo 31:7; 1 Pedro 5:7) Ta habla tambien el Biblia que hay termina el Dios con el violencia.—Isaias 60:18.
El causa del terorismo
El Biblia ta revela el razon si porque tiene terorismo: “El gente ya domina con el gente para na de suyu perjuicio.” (Eclesiastes 8:9) Na entero history, el maga gente quien tiene poder ya usa con el terorismo para maltrata con otro. Como resulta, el otro ya usa tambien terorismo para man balus.—Eclesiastes 7:7.
El fin del terorismo
El Dios ya promete que hay quita le con el miedo y violencia, y dale le paz na entero tierra. (Isaias 32:18; Miqueas 4:3, 4) Ele hay:
Quita con el causa del terorismo. El Dios hay cambia con el gobierno del gente por medio na de suyu mismo gobierno que hay rula na entero mundo. El Rey de este gobierno, si Jesucristo, hay trata con todo con justicia y hay quita con el maltratamiento y violencia. (Salmo 72:2, 14) Na aquel tiempo, nuay mas quien hay usa terorismo. El maga gente “hay queda . . . bien alegre cay tiene sila incomparable paz.”—Salmo 37:10, 11.
Quita con el todo efecto del terorismo. El Dios hay cura con el maga gente quien ya sale afectao na terorismo, na fisical man o na emocional. (Isaias 65:17; Revelacion 21:3, 4) Gane, ya promete le que hay resucita le con el maga muerto donde puede sila vivi na un mundo que tiene deverasan paz.—Juan 5:28, 29.
El Biblia ta dale kanaton buen razon para creé que cerca ya actua el Dios. Pero, baka pregunta tu, ‘Porque gendeh pa ta termina el Dios con el terorismo?’ Para sabe el contestacion, mira con el video Porque Ta Permiti el Dios con el Sufrimiento?
a Mas mucho, el palabra “terorismo” ta refiri na usada de violencia o amenazo—especialmente na maga civilian—para hace kanila miedo y para causa para tene cambio na politica, na religion o na comunidad. Pero, posible gendeh man uyun el maga gente si debe ba considera con el un acto como terorismo o gendeh.
Baka Gusta Tambien Tu
CONTESTACION NA MAGA PREGUNTA ACERCA NA BIBLIA
Cosa el Reino del Dios?
Considera si porque mas bueno el gobierno del Dios na todo gobierno del gente.
ESSENTIAL BIBLE TEACHINGS
Porque Ta Permiti el Dios con el Sufrimiento?
Manada el ta pregunta si porque el mundo lleno de rabia y sufrimiento. El Biblia ta dale contestacion acerca con ese pregunta que puede kanaton dale comforta.
