Del 2023, el maga experto ya puede mira que el tristeza un serioso problema na salud y necesita sila tiene cosa hace acerca con ese. Tiene ba este solucion?

•   “Si ta sinti kita triste y tan lejos con otro, puede se tene mal efecto na diaton salud y hace perde con el diaton alegria,” ya habla si Dr. Vivek Murthy, U.S. surgeon general. Pero ya omenta le: “Tiene kita cosa puede hace acerca con ese.” Cosa se? “Puede kita hace diutay cosas cada dia para hace fuerte con el diaton relacion con otro.” a

 Posible sinti triste el un persona si solo-solo le. Pero, manada tambien el quien ta sinti triste maskin manada el alrededor kanila. Maskin cosa man el causa del diaton tristeza, puede ayuda el Biblia. Ta contene este practical consejo acerca si paquemodo kita puede hace fuerte con el diaton relacion con otro que puede ayuda menora con el diaton tristeza.

 Aprende comunica enbuenamente. Gendeh lang este quierre decir que habla tu el cosa tu ta sinti. Sino, oi tambien enbuenamente con el quien tan cuento contigo. Si mas dale tu mira personal interes con otro, mas queda fuerte el de ustedes relacion.

•   Principio na Biblia: “No ustedes busca el interes lang del de ustedes mismo, sino busca el interes del los demas.”—Filipo 2:4, El Nuevo Testamento na Chavacano.

 Man amigo na diferente maga persona. Man amigo con aquellos quien mas mayor o mas menor contigo o con aquellos quien tiene diferente background o nacionalidad.

•   Principio na Biblia: “Abri el de ustedes corazon.”—2 Corinto 6:13.

 Para na mas informacion si paquemodo tene fuerte relacion con otro, le con el articulo “Satisfying Our Hunger for Friendship.”