El maga lider del maga nacion y el maga organizacion nuay puede dale paz con el maga gente. Desde na Guerra Mundial II, mas manada ya ahora grabe guerra. Maga dos billon gente—25 por ciento del populacion del mundo—el ta queda na maga lugar que afectao na ese maga guerra.

 Porque el maga gente gendeh puede dale paz? Cosa ta habla el Biblia?

1.  1. El maga gente tiene maga custumbre que ta sangga kanila para tene paz con uno y otro. El Biblia ya habla que na diaton tiempo, “el maga gente ay queda canalla y hambriento, bugalon, orgulloso . . . [y] traidor.”—2 Timoteo 3:2-4, El Nuevo Testamento na Chavacano.

2.  2. El maga gente, individual man o como grupo, gendeh puede solva con el diila maga problema si nuay el ayuda del diila Creador, si Dios Jehova. a El Biblia ya revela que “gendeh para na gente que guia maskin el de suyu paso.”—Jeremias 10:23.

3.  3. El mundo bajo na influencia del un poderoso y mal lider, si Satanas Diablo, quien “ta engaña con el entero mundo.” (Revelacion 12:9) Mientras “el entero mundo talli na poder del demonio,” hay tene gayot maga guerra y maga pelea.—1 San Juan 5:19.

 El Biblia ya asigura kanaton que hay tene paz, gendeh por causa na maga esfuerzo del maga gente sino por causa con Dios.

•   “‘Cay sabe yo el maga pensamiento que ta pensa yo para con ustedes,’ si Jehova ya habla, ‘pensamiento de paz, y gendeh de calamidad, para dale con ustedes futuro y esperanza.’”—Jeremias 29:11.

 Paquemodo el Dios cumpli con ese promesa? “El Dios de Paz ay machaca con Satanas.” (Roma 16:20) El Dios hay usa un gobierno na cielo que el Biblia ta refiri como el “Reino de Dios,” para lleva paz na entero mundo. (Lucas 4:43) Bajo con Jesucristo, el Rey de aquel Reino, hay enseña con el maga gente si paquemodo vivi con paz.—Isaias 9:6, 7.

•   Para sabe pa mas, le con el articulo “What Will God’s Kingdom Accomplish?”