•   “El China yan report que este el de con todo caliente año y el ika-tres na de con todo grabe secas que ya puede man record.”—The Guardian, Septiembre 7, 2022.

•   “El cuanto parte del Africa hay continua sufri por causa na grabe secas por cinco año ya.”—UN News, Agosto 26, 2022.

•   “Mas de media parte del Europe el na peligro experiencia grabe secas y posible este el de con todo grabe adentro del 500 año.”—BBC News, Agosto 23, 2022.

 Manada experto ta habla que este clase de secas hay continua y gane hay queda pa mas grabe. Queda pa ba enbuenamente el diaton futuro? Cosa el Biblia ta habla?

 El Biblia ya predicta acerca na diaton tiempo:

•   “Ay tene donde-donde maga . . . hambre.”—Lucas 21:11, El Nuevo Testamento na Chavacano.

 El secas ta resulta na escasez de comida y ta causa se sufrimiento y muerte. Ese maga cosas amo cumplimiento del profecia na Biblia.—Revelacion 6:6, 8.

 El Biblia ya revela con el un razon si porque ta queda mas grabe el secas. Este ta habla:

•   “Gendeh para na gente que guia maskin el de suyu paso.”—Jeremias 10:23.

 Este quierre decir que el maga gente gendeh puede guia con el diila mismo paso o rula entre kanila mismo. El diila maga mal decision mas mucho ta resulta na secas y escasez na agua.

•   Mayoria del maga cientista tan uyun que el maga actividad del gente ya causa global warming y ya resulta se na mas grabe secas na entero mundo.

•   El pagka-hambriento y el maga palicia que ya hace que nuay considera con el cosa posible sucede na futuro, ya resulta para queda calvo el monte, tene polucion y gendeh buen usada del maga natural resources. Por causa con ese, posible sale afectao el maga tuburan del agua.

 Pero, el Biblia ta dale esperanza.

 El Biblia ya promete que hay solva el Dios con el crisis na agua que ta experiencia kita ahora. Paquemodo?

1.  1. El Dios hay “destroza . . . con el maga destrozador del mundo.” (Revelacion 11:18) Hay quita le con el uno del maga causa si porque tiene escasez de agua—el maga malo y hambriento gente quien ta destroza con el tierra.—2 Timoteo 3:1, 2.

2.  2. “El tierra que ya seca por causa na calor hay queda un pantano.” (Isaias 35:1, 6, 7) El Dios hay quita con el destrozo que ya causa el secas y hace con este planeta un paraiso que tiene bastante agua.

3.  3. “Ta cuida tu con el tierra; ya hace tu con este productivo y bien abundancia.” (Salmo 65:9) Na bendicion del Dios, el tierra hay tene abundancia comida y limpio agua para na todo.