Na Enero 27, 2023, manada gente el quien celebra con el International Holocaust Remembrance Day. El maga brutal y terrible suceso que ya sucede del ya pasa mas de 75 año posible hay causa contigo que pensa si porque el Dios ya permiti que sucede el Holocaust.

•   Para sabe si cosa el Biblia ta habla, le con el articulo “Porque Ya Sucede el Holocaust? Porque Nuay Sangga el Dios con Este?”

 Ya sufri gayot el maga Judio quien ya queda victima del Holocaust. Ya mata con el millones kanila. Ya persigui tambien y ya mata con el otro maga grupo durante el tiempo del Holocaust. Incluido kanila el maga Testigo de Jehova con quien ya persigui por causa na diila creencia que base na Biblia.

•   Para sabe pa mas, le con el articulo “Cosa Ya Sucede con el Maga Testigo de Jehova na Tiempo del Holocaust?”

 Manada gente el ta tiene miedo que baka tiene otravez sucede igual na Holocaust. Bueno ya lang, ya promete el Biblia que na futuro gendeh mas sucede el ansina clase de maga tragedia.

•   “‘Cay sabe yo el maga pensamiento que ta pensa yo para con ustedes,’ si Jehova ya habla, ‘pensamiento de paz, y gendeh de calamidad, para dale con ustedes futuro y esperanza.’”—Jeremias 29:11. a

 Hay cumpli gayot ese promesa si termina ya si Dios Jehova con el maldad y solva con el todo problema que ya causa este. Gendeh tarda:

•   Hay quita con aquellos quien ta hace sinti duele con otro.—Proverbio 2:22.

•   Cura con todo aquellos quien ya sufri.—Revelacion 21:4.

•   Hace vivi otravez na tierra con aquellos quien ya muri.—Juan 5:28, 29.

 Puede tu confia con el esperanza que ta dale el Biblia. Para sabe si porque, ta invita kame contigo que pruba con el diamon libre estudiada de Biblia.