ESTA ALERTO!
Problema na Mental Salud del Maga Jovenes Mas Ta Agraba—Cosa el Biblia Ta Habla?
Del Lunes, Febrero 13, 2023, el Centers for Disease Control and Prevention (CDC) na United States ya dale un report acerca na mental salud del maga jovenes na U.S. Ya puede sila nota que mas de 40 por ciento del maga estudiante na high school el ta sinti triste y dol nuay esperanza por largo tiempo.
Si Dr. Kathleen Ethier, el director del Division of Adolescent and School Health (DASH) de CDC, ya habla: “Ya puede kame mira que ta queda grabe el problema del maga jovenes na diila mental salud del ya pasa 10 año. Pero el problema na mental salud del maga joven mujer ahora, ya queda pa mas grabe. Mas manada ya el quien ta pensa man suicide, ta plaña hace con ese o gaha ta precura hace con ese.”
El report ya menciona:
Mas de 1 na 10 joven mujer (14 por ciento) el con quien ya forza para man sex maskin no quierre sila. “Maka-lingasa gayot este,” ya habla si Dr. Ethier. “Na cada 10 joven mujer que conoce tu, posible que uno o mas pa kanila el ya queda victima de rape.”
Cerca 1 na 3 joven mujer (30 por ciento) el serioso ya considera que man suicide.
Cerca 3 na 5 joven mujer (57 por ciento) el ta sinti triste o dol nuay mas esperanza por largo tiempo.
Maka-triste gayot este report. Debe era alegre sila mientras joven. Cosa puede ayuda con el maga jovenes para enfrenta con el maga stress ahora? Cosa el Biblia ta habla?
El Biblia ta dale maga practical ayuda para na maga jovenes
El Biblia ya menciona que dificil el tiempo que donde kita ta vivi ahora. Gane, ya menciona este que “ay tene maga dificultad.” (2 Timoteo 3:1-5, El Nuevo Testamento na Chavacano) Pero, el Biblia ta dale buen consejo que ta puede ayuda con el millones de maga jovenes na entero mundo para enfrenta con el maga problema. Considera con el siguiente maga articulo que base na Biblia.
Ayuda para na maga jovenes quien ta pensa man suicide
Ayuda para na maga jovenes quien depress, ta sinti triste o otro pa maga negativo emocion
From Sad to Glad (whiteboard animation)
Ayuda para na maga jovenes si tan bully kanila o ta experiencia cyberbullying
Beat a Bully Without Using Your Fists (whiteboard animation)
Ayuda para na maga jovenes si ta enfrenta sila sexual abuso
El Biblia ta dale maga practical consejo para na maga mayores
El Biblia ta contene tambien maga practical consejo que puede asisti con el maga mayores que ayuda con el diila maga anak para enfrenta con el maga dificultad na diila vida. Considera con el siguiente maga articulo que base na Biblia.
Baka Gusta Tambien Tu
ESSENTIAL BIBLE TEACHINGS
Porque Ta Permiti el Dios con el Sufrimiento?
Manada el ta pregunta si porque el mundo lleno de rabia y sufrimiento. El Biblia ta dale contestacion acerca con ese pregunta que puede kanaton dale comforta.
MAGA IMPORTANTE ENSEÑANZA NA BIBLIA
Posible Ba Queda Amigo del Dios?
Por manada siglo, ya sinti el maga gente que necesita sila conoce con el diila Creador. El Biblia puede ayuda kanaton para queda kita amigo del Dios. Para sucede se, necesita kita una sabe con el de suyu nombre.
CONTESTACION NA MAGA PREGUNTA ACERCA NA BIBLIA
Puede Ba Tu Incuntra Comforta na Biblia?
El maga texto na Biblia ya puede dale comforta na manada quien ya enfrenta maga dificil situacion y maga lingasa na vida.
ACERCA KANAMON
Man Request que Visita Contigo
Discuti un pregunta na Biblia o sabe mas acerca con el maga Testigo de Jehova.
