Na año 2024, mas manada eleccion hay sucede na entero mundo contra na maga ya pasa año. Pero manada gente ahora el nuay mas confianza na maga politico.

•   Cuando yan survey con el cuanto maga Americano, mayoria kanila ya habla que “el cosa ta motiva con el manada del maga politico amo cay quierre sila beneficia el diila mismo cuerpo” en vez que sirvi na publico. a—Pew Research Center, Septiembre 19, 2023.

 Manada tambien maga jovenes el nuay mas confianza na maga politico.

•   “El maga teenager ahora quierre que tene solucion el maga importante problema na comunidad pero ta habla sila na maga survey que el maga politico gendeh ta puede solva con el maga problema.”—The New York Times, Enero 29, 2024.

•   “Asegun na survey, mas ta confia el maga jovenes na maga YouTuber contra na maga politico.”—The Korea Times, Enero 22, 2024.

 Puede ba kita confia con el maga politico para dale kanaton mas bonito futuro? Con quien kita puede confia?

 Bueno se si el maga gente con cuidao acerca si con quien sila ta confia. El Biblia ta habla que “el inocente ta creé con el todo cosa le ya oi, pero el sabio ta pensa antes hace paso.”—Proverbio 14:15.

•   Para na maga sugestion si paquemodo tu examina con el informacion que ya ricibi tu, mira con el articulo “Protect Yourself From Misinformation.”

 Mas pa, maskin pa honesto y bueno el intencion del cuanto maga politico, limitao lang el cosa sila puede hace. Amo se el razon si porque ya dale aviso el Biblia:

•   “No ustedes confia con el maga lider; nuay gente el quien puede salva con ustedes.”—Salmo 146:3, Good News Translation.

 El Biblia ta habla que ya iscuji el Dios un buen lider con quien puede gayot kita confia: si Jesucristo. (Lucas 1:32, 33) Si Jesus el Rey del Reino del Dios, un gobierno que ta rula na cielo.—Mateo 6:10.

•   Sabe si porque tu puede confia con Jesus y si cosa le hay hace para solva con el maga problema que ta experiencia kita ahora. Le con el articulo “Who Is the King of God’s Kingdom?” y “What Will God’s Kingdom Accomplish?”