Mientras ta pasa el tiempo, mas ta menora el numero del maga gente quien ta dale mira buen conducta. El maga paciente ta grita na maga doctor; el maga customer nuay respeto na maga waiter; el maga pasajero ta maltrata con el maga flight attendant; el maga bata ta gangguia, ta amenaza y ta hace sinti duele con el diila maga maestro; y el cuanto maga politico ta hace mal cosas mientras el otro maga politico ta pricura lang dale mira na maga gente que tiene sila buen conducta.

 El Biblia ta enseña si cosa gayot deverasan el buen conducta. Ta explica tambien este si porque poco ya lang el tiene buen conducta na diaton tiempo.

 Claro puede mira na entero mundo que poco ya lang el tiene buen conducta y ta sigui na maga justo y aceptable principio de moralidad.

•   Asegun na un reciente survey, el maga Americano ta creé que adentro na 22 año, na este tiempo de con todo bajo el moralidad del maga gente na United States.

•   Asegun na otro survey donde ya pregunta con el mas de 32,000 na 28 nacion, 65 por ciento el ya habla que si compara de antes, bien poco ya lang gayot ahora el tiene buen conducta.

 El Biblia ya habla ya daan acerca el conducta del maga gente que ta puede kita mira ahora.

•   “Ay tene maga dificultad na ultimo maga dia. El maga gente ay queda canalla y hambriento, bugalon, orgulloso, abusao, desobediente con el maga mayores, ingrato . . . salvaje, [y] enemigo de todo maga cosa-cosa bueno.”—2 Timoteo 3:1-3, El Nuevo Testamento na Chavacano.

 Para na mas informacion si paquemodo ta cumpli este profecia, le con el articulo “Did the Bible Predict the Way People Think and Act Today?”

 Na este mundo donde poco ya lang el tiene buen conducta, millones el ya puede discubri que el Biblia ta puede gayot ayuda para tene buen conducta. El principio de este na moral “pirmi . . . puede confia, ahora y hasta para cuando.” (Salmo 111:8) Considera con el cuanto ejemplo:

•   Si cosa el Biblia ta habla: “Hace con otros el cosa ustedes quiere que sila ay hace con ustedes.”—Mateo 7:12.

   Si cosa quierre decir: Debe kita tene respeto y trata enbuenamente con otro igual si paquemodo quierre kita que trata kanaton.

•   Si cosa el Biblia ta habla: “Ahora, no mas ya man imbusterias. Habla ustedes el verdad con uno y otro.”—Efeso 4:25.

   Si cosa quierre decir: Debe kita queda honesto na todo cosa kita ta habla y ta hace.

 Para na mas informacion na este topico, pabor le:

•   El issue del The Watchtower que tiene titulo “Right and Wrong—A Guide You Can Trust.”

•   El articulo “El Biblia Ta Ayuda Kanaton Para Tolera con Otro.”