Para na manada gente, dol imposible tene igual tratamiento para na todo.

•   “El discriminacion ta continua envenena con el maga organizacion, grupo y con el cada dia vida del maga ordinario gente. Ta continua este guia con el maga gente para trata con uno y otro na gendeh justo manera.”—António Guterres, UN Secretary-General.

 Hay llega ba el tiempo que nuay mas ya discriminacion? Cosa el Biblia ta habla?

 El Biblia ta enseña kanaton si paquemodo el Dios ta mira con el maga gente de diferente raza.

•   “Con un solo gente lang [el Dios] ya hace con todo el maga raza humano para ocupa sila el entero mundo.”—Maga Actividad 17:26, El Nuevo Testamento na Chavacano.

•   “El Dios noay favorito [o gendeh parcial], pero ta acepta le con todo aquellos quien ta adora con Ele y ta hace cosa bueno maskin de donde nacion sila.”—Maga Actividad 10:34, 35.

 El Biblia ta revela que el todo maga gente parte del un familia y el Dios ta acepta con el maga gente de todo raza.

 Hay perde el discriminacion si rula ya el Reino del Dios, un gobierno na cielo. Ese gobierno hay enseña con el maga gente si paquemodo trata con otro na justo manera. El maga gente hay aprende si paquemodo quita con el maskin cosa rastro de discriminacion que posible tiene sila.

•   “El maga viviente del tierra [hay] aprende acerca na pagka-recto.”—Isaias 26:9.

•   “El resulta del deverasan pagka-recto amo el paz, y el fruta del deverasan pagka-recto amo el permanente tranquilidad y seguridad.”—Isaias 32:17.

 Ahora, millones de gente el ta aprende estaba na Biblia si paquemodo trata con otro con respeto y dignidad.

•   Para sabe mas, le con el issue de Awake! que tiene titulo “Is There a Cure for Prejudice?”

•   Le con el articulo “Talking to Children About Racism” para sabe si paquemodo el maga mayores discuti con este topico na familia.