Dificil para na manada gente na mundo que tene bastante sen y ta continua este queda mas dificil.

•   Asegun na un reciente report, a mas poco ya lang el ta puede cumpra el maga gente na diila sueldo. Ta dale este mira que si nuay cosa cambia, hay tene “mas grande diferencia entre na maga rico y pobre,” y “manada familia el mas man lisud na diila vida.”

 Puede ba solva el maga gobierno con el problema na economia o maskin mejora lang con el situacion?

 Ta explica el Biblia que tiene un gobierno que puede solva con el todo problema na economia, incluido ya el grande diferencia entre na maga rico y pobre. Ta habla este que “el Dios na cielo hay forma un reino”—un gobierno que hay controla con el todo cosa ta sucede na entero mundo. (Daniel 2:44) Este gobierno gendeh hay ulvida o ignora maskin con quien. (Salmo 9:18) El Reino del Dios hay asigura que el todo hay tene el todo cosa sila necesita para queda alegre. Todo sila hay beneficia con el maga buen resulta del diila esfuerzo.—Isaias 65:21, 22.