“Comon na maga jovenes ahora el problema na mental salud. Y el uno na maga causa si porque se ta sucede amo el social media.”—Dr. Vivek Murthy, U.S. surgeon general, New York Times, Junio 17, 2024.

 Paquemodo el maga mayores puede ayuda con el diila maga anak que evita con el maga peligro na social media? Ta dale practical consejo el Biblia.

 Considera con este maga principio na Biblia.

 “El sabio ta pensa antes hace paso.”—Proverbio 14:15.

 Gendeh tu debe sinti que obligao tu que permiti con el de tuyu anak que usa social media cay puede este tene negativo efecto con ele. Pero si permiti tu con ele, asigura anay que responsable ya le, ta sigui con el hora que ya dale tu con ele na usada de social media, sabe iscuji maga buen amigo y ta evita maga gendeh buen entretenimiento.

•   Para sabe pa mas, le con el maga articulo Should My Child Use Social Media?” y “Teaching Your Teenager Social Media Safety.”

 “Usa el tiempo embuenamente.”—Efeso 5:16, El Nuevo Testamento na Chavacano.

 Si permiti tu con el de tuyu anak que usa social media, man sabut con ele si cuando y si paquemodo lang le puede usa con este. Y despues, explica si paquemodo este puede ayuda con ele para evita maga peligro. Observa tambien si tiene maga cambio na de suyu custumbre. Puede este ayuda contigo para determina si necesita ba tu pone limitacion na de suyu usada de social media.

•   Usa con el whiteboard animation Con Cuidao na Usada de Social-Network para ayuda con el de tuyu anak que entende si porque necesita tiene limitacion na usada de social media.

 El Biblia ta habla que ta vivi kita na tiempo que ‘tiene maga dificultad.’ (2 Timoteo 3:1-5) Pero, ta dale este kanaton maga practical consejo que puede ayuda kanaton que enfrenta con ese. Na un articulo que acerca na mental salud del maga teenager, puede incuntra con el un lista de mas de 20 articulo que base na Biblia que puede ayuda con el maga mayores y diila anak.