Asegun na reciente report, a uno na cuatro gente el ta sinti solo-solo.

•   “Si el un persona tan solo-solo, puede se afecta con ele maskin cosa man el de suyu edad o maskin de onde ele.”—Chido Mpemba, cochair del World Health Organization’s Commission on Social Connection.

 Manada el quien ta pensa que el maga de edad lang y aquellos quien gendeh tan junto con otro el ta sinti solo-solo. Pero el deverasan, maskin el maga jovenes, tiene buen salud y buen vida, y casao el ta sinti tambien solo-solo. Si el un persona ta man solo-solo puede se tene grabe efecto na de suyu fisical y emocional salud.

•   “Si el un persona ta sinti que solo-solo le, gendeh lang le basta ta sinti un negativo sentido,” asegun con Dr. Vivek Murthy, U.S. surgeon general. El efecto de ese na largor del vida del un gente igual na 15 cigarillo que ta puma na un dia.”

 No quierre el diaton Creador que man solo-solo kita. Proposito de suyu desde antes que el gente alegre puede man junto con otro.

•   Principio na Biblia: “Si Dios Jehova ya habla: ‘Gendeh bueno que continua solo-solo el hombre.’”—Genesis 2:18.

 Quierre el Dios que tene kita buen relacion con ele. Si hace kita esfuerzo para queda cerca con ele, ya promete tambien le que hay queda le cerca kanaton.—Santiago 4:8.

•   Principio na Biblia: “Alegre aquellos quien ta pensa el diila espiritual necesidad cay diila el Reino del cielo.”—Mateo 5:3, NWT.

 Quierre el Dios que adora kita con ele junto con otro. Si hace kita se, puede ayuda kanaton el otro na diaton emocion.

•   Principio na Biblia: “Pensa kita si paquemodo puede kita dale animo con uno y otro para ama y hace maga trabajo bueno. No ustedes falta na maga reunion del comunidad [“miting junto con otro,” NWT] . . . Emvez, dale animo con uno y otro.”—Maga Hebreo 10:24, 25, El Nuevo Testamento na Chavacano.

 Para na mas informacion si porque importante que pricura resisti con el sentido que solo-solo tu, le con el articulo “Loneliness in a World of Mass Connection.”