“Na peligro ya tamen el economia del entero mundo,” ya habla el presidente del World Bank Group na un report del Junio 2022. “Pronto ta subi el precio del maga cosas y del maga servicio pero gendeh ta subi el incuntrada del maga gente.”

 “Paspas ta subi el precio del gasolina y comida, y ya sale gayot afectao el maga gente na maga pobre nacion,” asegun na International Monetary Fund.

 El Biblia ta ayuda kanaton para entende si porque kita ta experiencia maga problema na economia, si paquemodo kita enfrenta con ese y si quien el puede dale con este permanente solucion.

•   El Biblia ya habla que ta vivi ya kita ahora na “ultimo maga dia.”—2 Timoteo 3:1, El Nuevo Testamento na Chavacano.

•   Ya habla si Jesus que “ay tene maga cosa-cosa bien maca-miedo gayot” o maga maka-miedo suceso que sucede durante na ese tiempo. (Lucas 21:11) El subida del maga precio ta causa miedo. El maga gente tan lingasa acerca na diila futuro y si puede ba sila dale el necesidad del diila familia.

•   El libro de Revelacion ya predicta con el subida del maga precio durante na ese tiempo. “Ya puede yo oi un voz . . . ta grita: ‘El precio de media ganta de trigo amo el sueldo de un dia.’”—Revelacion 6:6.

 Para sabe pa mas acerca na “ultimo maga dia” y na profecia na libro del Revelacion, mira con el video Ya Cambia el Mundo Desde 1914 y le con el articulo “The Four Horsemen—Who Are They?”

•   “Hay planta sila maga casa y queda sila alla y hay siembra sila maga uvas y come con el fruta de ese. Gendeh sila planta casa y otro el queda ni siembra sila y otro el come.”—Isaias 65:21, 22.

•   “Hay tiene abundancia de grano na tierra; na arriba del monte este hay sobra.”—Salmo 72:16.

•   “‘Cay ta abusa con el maga gente quien ta tormenta, por causa na suspirada del maga probre, hay actua yo,’ ya habla si Jehova.”—Salmo 12:5 a

 Gendeh dura, el Dios hay termina con el maga problema na economia—gendeh lang na un nacion sino na entero mundo. Para sabe si paquemodo, le con el articulo “Is a Fair Economic System Possible?”

 Pero el Biblia puede ayuda contigo maskin ahora para enfrenta con el subida del precio del maga cosas. Na cosa manera? Ta contene este maga practical consejo si paquemodo puede usa enbuenamente con el sen. (Proverbio 23:4, 5; Eclesiastes 7:12) Para sabe pa mas, le con el maga articulo “Protect Your Livelihood” y “How to Live on Less.”