El Biblia ta dale mira que el Armagedon, gendeh un guerra que hay sucede un especifico lugar lang sino un guerra este que hay sucede na entero mundo entre con Dios y na maga gobierno del gente.

•   “Esos amo el maga espiritu del maga demonio: . . . ta anda sila llama con todo el maga rey na mundo para ajunta canila para na guerra del Grande Dia del Dios todopoderoso. . . . Ya ajunta sila con el maga rey na un lugar que ta llama na Hebreo ‘Harmaguedon.’”—Revelacion 16:14, 16, El Nuevo Testamento na Chavacano.

 El palabra “Armagedon” estaba na Hebreo palabra Har Meghid·dohnʹ que quierre decir “Monte de Megido.” El Megido amo un ciudad na Israel de antes. Por causa con ese, el cuanto maga gente ta creé que el Armagedon hay sucede na Israel. Pero, gendeh bastante el lugar de Megido ni el maskin cosa lugar na Middle East para ajunta “con todo el maga rey na mundo” y con el diila maga soldao.

 Ya escribi con el libro de Revelacion por medio na “maga señal” o na simbolico manera. (Revelacion 1:1, NWT) El Armagedon ta refiri, gendeh na un literal locacion sino na un situacion que donde el maga nacion na entero mundo hay man junto-junto para man contra na rulanza del Dios.—Revelacion 19:11-16, 19-21.