Ta Ama el Dios con el Maga Apa
Tiene maga 70 millon apa na entero mundo ahora y manada kanila ta puede comunica usando el uno na mas de 200 sign language. Maka-triste, ta experiencia maltratamiento el maga apa estaba con otro, como cosa ta dale mira el siguiente:
“Na entero mundo, gendeh ta respeta con el derecho del maga apa y de aquellos quien tan dificil oi.”—National Association of the Deaf (U.S.).
“Na manada nacion, incluido el maga apa na maga de con todo pobre. Tan dificil sila obtene educacion, trabajo y informacion.”—World Federation of the Deaf.
Cosa el mirada del Dios na maga apa? Cosa ta habla el Biblia acerca na maga apa? Y paquemodo el maga Testigo de Jehova ta ayuda kanila ahora?
El Mirada del Dios na Maga Apa
Ta revela el Biblia que si Dios Jehova a ta ama con el maga apa. Quierre le que trata kanila igual si paquemodo ta trata con otro maga gente y que beneficia sila na educacion que ta dale le.
Texto: “No tu maldici con el un bungul.”—Levitico 19:14.
Si cosa quierre decir: El Ley de Jehova na Israel de antes ya protege con el derecho del maga apa.
Texto: “El Dios noay favorito.”—Maga Actividad 10:34, El Nuevo Testamento na Chavacano.
Si cosa quierre decir: Ta ama si Jehova con el todo maga gente maskin cosa pa el diila cultura, background y lengguaje, incluido ya el maga apa.
Texto: “Si Jesus ya anda visita todo el maga pueblo . . . y ta anuncia el Buen Noticia del Reino.”—Mateo 9:35.
Si cosa quierre decir: Ya vene si Jesus na tierra para enseña con el maga gente acerca na Reino del Dios y si cosa este hace na todo maga gente, incluido el maga apa.—Mateo 6:10.
Texto: “Masquin con el maga bungul ta puede [si Jesus] manda oi, y con el maga apa ta puede le manda conversa.”—Marcos 7:37, El Nuevo Testamento.
Si cosa quierre decir: Ya dale mira si Jesus que por medio na Reino del Dios, el maga apa puede ya oi y converza. Na este ocasion, ya usa si Jesus maga accion para comunica con el un hombre apa antes le ya cura con este.—Marcos 7:31-35.
Texto: “Hay abri el orejas del maga bungul.”—Isaias 35:5.
Si cosa quierre decir: Ya predicta si Jehova que el maga apa y el maga bungul puede ya oi na futuro.—Isaias 29:18.
Si Paquemodo el Maga Testigo de Jehova Ta Ayuda con el Maga Apa Ahora
El maga Testigo de Jehova ta predica acerca el esperanza que ta dale el Dios na maga apa na entero mundo. Cosa kame ta hace para puede se cumpli? Ta produci kame Biblia y maga video que ta usa para na Bible study na mas de 100 sign language. Ta enseña tambien kame acerca na Biblia y ta hace maga miting na congregacion na sign language. Ta hace kame con ese todo sin pago para con aquellos quien quierre ricibi con el ayuda del Dios. Porque? Cay si Jesus ya habla: “Ya recivi ustedes libre; dale lang tamen libre.”—Mateo 10:8.
Puede tu mira con ese maga material online o man download con ese na de tuyu gadget por medio na:
JW.ORG. Man click con el language icon na arriba parte del website para mira maga informacion na un sign language.
JW Library Sign Language app. Man install con este libre app na de tuyu gadget y puede ya tu man download o man stream maga video na sign language.
Maga Manera Para Enseña con el Maga Apa Acerca na Biblia
El Biblia na sign language. El New World Translation of the Holy Scriptures na American Sign Language amo el primer completo Biblia na sign language na entero mundo. Puede mira con el entero New World Translation o parte de este na manada sign language y cada año, manada lengguaje el ta omenta. (Para mira con el lista de maga lengguaje o con el Biblia online, mira con el cajon “ El New World Translation del Biblia na Sign Language.”)
Mira con el video The Complete New World Translation Is Available in ASL para sabe acerca na trabajo que ta hace kame para produci con el Biblia na sign language.
Para mas man enjoy con el lehida de Biblia, man install con el JW Library Sign Language app. Na este app, puede tu iscuji especifico versiculo na Biblia na sign language.
Si Dmytro y Vita amo maga apa pero el diila maga anak ta puede oi. Mira si paquemodo el diila familia ya beneficia cay ta mira sila con el Biblia todo el dia na sign language.
Maga video que ta enseña acerca na Biblia. El maga Testigo de Jehova ta produci maga video na sign language que ta ayuda con el maga gente para entende y aplica con el maga practical consejo na Biblia para na . . .
Estudiada de Biblia. Aprende con el mensaje del Biblia na sign language na ayuda del otro persona. Etu mismo el decidi si paquemodo de largo el de ustedes estudiada. Man request que dale mira contigo si paquemodo ta hace con este libre estudiada del Biblia.
Si Jeson Senajonon ta queda na Pilipinas. Mira si paquemodo el estudiada na Biblia ya ayuda con ele para queda cerca con Dios.
Si Mario Antúnez amo un pastor na un iglesia na Honduras. Mira si paquemodo le ya incuntra con el contestacion na de suyu maga pregunta acerca na Biblia na de suyu istoria de vida “I Had More Questions Than Answers.”
Maga miting y otro maga ocasion. Tiene kame maga congregacion y grupo de sign language na entero mundo donde el maga apa tan junto-junto para aprende y adora cada semana. Ta organiza tambien kame maga grande ocasion cada año para aprende acerca na Biblia na sign language. Na diamon maga miting y otro maga ocasion, tiene kame tactile interpretation para con aquellos maga apa y bulak. Tiene tambien kame maga publicacion na braille y libre este.
Busca un congregacion que cerca contigo.
Sabe acerca na diamon maga asemblea que ta hace cada año.
Atende na Comemoracion del muerte de Jesus, el de con todo importante ocasion cada año.
Si José Luis Ayala ta queda na Mexico. Apa le ya nace y despues, ya queda le bulak. Sabe si paquemodo con ele ya ayuda para queda un efectivo maestro del Biblia.
a Jehova el personal nombre del Dios. (Salmo 83:18) Mira con el articulo “Quien si Jehova?”
Baka Gusta Tambien Tu
SI PAQUEMODO TA USA CON EL DE TUYU DONACION
Nuay Ulvida si Jehova con el Maga Apa
Tiene kame maga video na mas de 100 lengguaje de señas! Paquemodo kame ta produci y ta distribui con ese?
ACERCA KANAMON
Man Request que Visita Contigo
Discuti un pregunta na Biblia o sabe mas acerca con el maga Testigo de Jehova.
