Sabe si Jesus si cosa kita ta sinti si ta sufri kita por causa na crimen y injusticia. Falso con ele ya acusa, ya gulpia, ya sentencia sin justicia y ya mata. Maskin inocente le, conforme le ya “entrega su vida para rescata con mucho maga gente.” (Mateo 20:28, El Nuevo Testamento na Chavacano; Juan 15:13) Como Rey del Reino del Dios, gendeh dura hay lleva le justicia na entero mundo y termina con el crimen hasta para cuando.—Isaias 42:3.

 Ya menciona el Biblia si cosa el situacion del entero mundo si actua ya si Jesus:

•   “El maga malo gendeh mas existi; hay busca tu kanila donde sila ta esta de antes y nuay mas sila alla. Pero el maga sumiso hay hereda con el tierra y hay queda sila bien alegre cay tiene sila incomparable paz.”—Salmo 37:10, 11.

 Paquemodo kita puede dale mira el diaton apresacion na cosa ya hace si Jesus para kanaton y hay hace pa le na futuro? Na de suyu maga palabra na Lucas 22:19, ya habla si Jesus na de suyu maga siguidores que acorda con el de suyu muerte. Poreso cada año, tan junto-junto el maga Testigo de Jehova na aniversario del de suyu muerte. Ta invita kame contigo para man junto kanamon na Comemoracion del muerte de Jesus na Domingo, Marzo 24, 2024.

Busca Locacion Para na Comemoracion