Mientras taqui na tierra, ya dale mira grande amor si Jesus na maga gente, especialmente na maga ta sufri y maga pobre. (Mateo 9:36) Ya sacrificia pa gane le el de suyu vida para na bien del otro. (Mateo 20:28; Juan 15:13) Gendeh tarda, hay dale le otravez mira con el de suyu amor na maga gente. Hay usa le con el de suyu autoridad y poder como Rey del Reino del Dios para termina con el pobreza na entero mundo.

 Ya menciona el Biblia si cosa hace si Jesus:

•   “Ojala defende le con el maga maka-lastima entre el maga gente, ojala salva le con el maga anak del pobre.”—Salmo 72:4.

 Paquemodo kita puede dale mira el diaton apresacion na cosa ya hace si Jesus para kanaton y hay hace pa le na futuro? Na de suyu maga palabra na Lucas 22:19, ya habla si Jesus na de suyu maga siguidores que acorda con el de suyu muerte. Poreso cada año, tan junto-junto el maga Testigo de Jehova na aniversario del de suyu muerte. Ta invita kame contigo para man junto kanamon na Comemoracion del muerte de Jesus na Domingo, Marzo 24, 2024.

Busca Locacion Para na Comemoracion