Mientras taqui na tierra, ya dale mira grande amor si Jesus na maga gente. Gane, preparao le sacrificia de suyu vida para kanila. (Mateo 20:28; Juan 15:13) Gendeh tarda, hay dale le otravez mira con el de suyu amor na maga gente. Hay usa le con el de suyu autoridad como Rey del Reino del Dios para ‘termina con el maga guerra na entero mundo.’—Salmo 46:9.

 Nota si cosa ya habla el Biblia que hace si Jesus:

•   “Salva le con el pobre quien ta pidi ayuda, con el maka-lastima y con aquellos nuay quien ta ayuda. Tene le compasion con el maka-lastima y pobre, y hay salva le con el maga pobre. Hay salva le kanila desde na mal tratamiento y na violencia.”—Salmo 72:12-14.

 Paquemodo kita puede dale mira el diaton apresacion na cosa ya hace si Jesus para kanaton y hay hace pa le na futuro? Na Lucas 22:19, ya habla si Jesus na de suyu maga siguidores que acorda con el de suyu muerte. Poreso cada año, tan junto-junto el maga Testigo de Jehova na aniversario del de suyu muerte. Ta invita kame contigo para man junto kanamon na Comemoracion del muerte de Jesus na Domingo, Marzo 24, 2024.

Busca Locacion Para na Comemoracion