“El maga gente ta hace manada cosas que gendeh dura hay causa peligro na clima. El maga grande ciudad hay sumi na agua. Hay tene grabe calor y maga bien fuerte tifun. Hay tene escasez de agua na manada lugar. Millones clase de siembra y animal el gendeh mas existi. Gendeh este istoria-istoria lang sino amo este el realidad. Ese el cosa ta habla el ciencia que hay sucede si el gobierno gendeh cambia con el manera si paquemodo sila ta usa con el energia.”—Asegun na cosa ya habla si António Guterres, el secretary-general del United Nations, na un report del Intergovernmental Panel on Climate Change del Abril 4, 2022.

 “El maga scientist ta habla que el climate change hay causa destrozo na halos todo 423 national park [na United States], especialmente cay ese maga lugar pronto ta sale afectao na subida del temperatura. El maga mal suceso que posible sucede dol ta semeja na maga calamidad que ya menciona na Biblia: quema y grande avenida, maga grande porcion de hielo que ta diriti, subida del level de agua na mar y calor.”—“Flooding Chaos in Yellowstone, a Sign of Crises to Come,” The New York Times, del Junio 15, 2022.

 Puede ba solva con el problema na condicion del mundo? Si puede, quien solva con ese? Considera si cosa el Biblia ta habla.

 El Biblia ta habla que na futuro, el Dios “destroza ya con el maga destrozador del mundo.” (Revelacion 11:18, El Nuevo Testamento na Chavacano) Este versiculo na Biblia ta enseña kanaton tres cosas:

1.  1. El cosas que ta hace el gente hay causa grande destrozo na tierra.

2.  2. El destrozo que ta causa el gente na tierra hay termina.

3.  3. El Dios, gendeh el gente, hay solva con el problema na condicion del mundo.

 El Biblia ta habla que “el tierra hay esta hasta para cuando.” (Eclesiastes 1:4) Un permanente lugar este onde para queda.

•   “El maga recto hay hereda con el tierray hay esta sila alli hasta para cuando.”—Salmo 37:29.

 Completamente hay hace bira con el buen condicion del diaton planeta.

•   “El desierto y el seco tierra hay tiene alegria y el patag lugar hay queda alegre y florea igual na saffron.”—Isaias 35:1.