Grabe el gasto por causa na guerra.

•   “Na entero mundo, ya gasta el gobierno $2.2 trillon na guerra. Este el de con todo grande cantidad que ya gasta sila para na guerra.”—The Washington Post, Febrero 13, 2024.

 Gendeh lang sen el cosa sila ya gasta. Considera con el un ejemplo: El guerra na Ukraine.

•   Soldao. El cuanto experto ta habla que cerca 500,000 soldao el ya muri o ya sale irido desde ya principia el guerra dos año ya el ya pasa.

•   Civilian. Asegun na United Nations, mas de 28,000 el ya muri o ya sale irido. Pero, el un oficial de UN ya habla: “Imposible sabe si paquemodo de manada gente el ya sale afectao por causa na este guerra.” a

 Grabe el efecto del guerra y gulu que ta sucede na entero mundo na maga gente.

•   114 millon. El numero del maga gente quien ya evacua por causa na guerra y violencia na entero mundo, asegun na report del Septiembre 2023.

•   783 millon. El numero del maga gente quien ta experiencia grabe hambre. “Guerra el numero uno razon si porque tiene hambre y 70 por ciento del maga gente quien ta experiencia hambre ta queda na maga lugar que afectao na maga guerra y violencia.”—World Food Programme.

 Hay tene ba fin el guerra? Hay llega ba el tiempo que tiene ya paz? Hay usa ba con el maga cosas del tierra para quita con el hambre y pobreza? Cosa el Biblia ta habla?

 Ya predicta el Biblia que hay tene maga guerra na entero mundo y ta representa con ese el un caballero que muntao na caballo.

•   “Ya mira yo ta abuya un caballo colorao como el fuego. Con quien ta monta ya dale un espada bien grande, y poder para hace gulu na mundo y manda con el maga gente man matajan con uno y otro.”—Revelacion 6:4, El Nuevo Testamento na Chavacano.

 Despues de este, yan sunod el dos caballero que ta representa con el hambre y muerte que resulta del epidemia o otro pa razon. (Revelacion 6:5-8) Para sabe mas acerca con este profecia na Biblia y si porque kita puede asigura que ta cumpli este na diaton tiempo ahora, le con el articulo “The Four Horsemen—Who Are They?”

 Gendeh dura, nunca mas hay usa con el maga cosas na tierra para na guerra. Pero, gendeh se sucede por medio na esfuerzo del gente. El Biblia ya habla:

•   El Dios “hay termina . . . con el maga guerra na entero mundo.”—Salmo 46:9.

•   Hay quita el Dios con el maga efecto del guerra. “Ay limpia Le el lagrimas na diila maga ojos y nunca mas ay tene muerte, ni dolor, ni tristeza, cay el mundo de antes ya acaba ya.”—Revelacion 21:4.

•   Hay asigura el Dios que hay tene ya paz na entero tierra. “El de mio maga gente hay esta na lugar que tiene paz, na maga residencia que tiene seguridad y na maga lugar de descanzo que tranquilo.”—Isaias 32:18.

 Asegun na profecia na Biblia, el maga guerra y maga suceso que ta mira kita ahora ta dale mira que cerca ya tene paz na entero tierra.

 Paquemodo se hace el Dios? Hay hace le se por medio na de suyu gobierno na cielo o de suyu Reino. (Mateo 6:10) Para sabe si cosa ese Reino y si paquemodo tu puede beneficia, mira con el corto video Cosa el Reino del Dios?