Del Viernes, Febrero 24, 2023, un año ya el ya pasa desde ya principia el guerra na Ukraine. Asegun na cuanto maga report, maga 300,000 soldao de Ukraine y Russia el ya muri o ya queda irido y maga 30,000 civilian el ya muri na guerra. Pero, posible que mas alto pa con ese el actual numero.

 Maka-triste cay dol dura pa siempre este guerra.

•   “Cerca un año desde ya entra el maga soldao de Russia na Ukraine, dol nuay indicacion que cerca ya termina este guerra. Ta sale que nuay ni uno na este dos nacion el ganá na guerra y dol gendeh siempre sila puede incuntra solucion que man uyun sila.”—NPR (National Public Radio), Febrero 19, 2023.

 Natural lang que manada gente el triste por causa na sufrimiento que ya causa este y el otro pa maga guerra na maga inocente gente na entero mundo. Cosa esperanza ta dale el Biblia? Hay termina pa ba el maga guerra?

 El Biblia ta menciona acerca na un guerra que gendeh destroza con el maga gente sino hay salva kanila. Ese guerra amo el Armagedon y ya llama con ese como el “guerra del Grande Dia del Dios todopoderoso.” (Revelacion 16:14, 16, El Nuevo Testamento na Chavacano) Por medio na ese guerra, el Dios hay termina con el todo gobierno del maga gente que amo el causa del bien manada maga guerra. Para sabe si paquemodo el Armagedon hay lleva permanente paz, le con este maga articulo:

•   “Cosa el Guerra de Armagedon?”

•   “Un Buen Noticia el Armagedon!”