Durante el service year del 2021, a el mundo ta continua sufri por causa na COVID-19 pandemic. Como cosa ya explica na articulo “Ayuda na Tiempo de Pandemic,” ya gasta kita millones de dollar b para dale ayuda durante el pandemic y ya forma mas de 950 Disaster Relief Committee.

 Mientras ta sucede el pandemic, tiene otro maga natural calamidad o maga calamidad que ya causa el maga gente que ya afecta con el diaton maga hermano y hermana na entero mundo. Por causa na mas de 200 de ese maga calamidad, el Coordinators’ Committee del Cuerpo Gobernante ya aproba que gasta $8 millon como omento na ayuda que ya dale na COVID-19. Considera si paquemodo el de tuyu maga donacion ya usa para ayuda con el maga victima del dos reciente calamidad.

 Del Mayo 22, 2021, el Mount Nyiragongo, un volcan na Democratic Republic of the Congo, ya principia rebenta. El lava que ya sale na ese volcan ya destroza con el maga casa, escuela y con el un dam. Pero gendeh lang el lava el peligroso. Cuanto dia despues este rebenta, el peligroso polvos que estaba na volcan ya cae na ciudad del Goma y manada maga diutay temblor el ya sucede. Mas de media del ciudad el ya manda evacua. Manada el ya evacua y el cuanto ya travesa na boundary para na Rwanda.

 El cuanto de aquellos quien ya evacua amo el maga 5,000 del maga Testigo de Jehova. El cuanto ya perde el diila casa por causa na rebentada del volcan; el otro ya ruba con el diila maga cosas despues sila evacua. El relief committee del Rwanda y del Democratic Republic of the Congo ya hace arreglamiento para dale ayuda. Acerca na un relief committee, el Congo (Kinshasa) branch ya habla: “Maskin pa na maga gulu que ta sucede na ciudad y gane antes pa manda evacua con el maga gente, el committee ya principia ya dale comida, agua, ropa y maga gamit onde para durmi.” Na un ciudad donde el mas de 2,000 del diaton maga hermano y hermana yan junto-junto, el un relief committee ya pone maga tent, ya dale maga mask y ya explica si paquemodo evita que man tapon na COVID-19 y cholera.

 Adentro na tres meses que ya sucede el calamidad, el diaton maga hermano ya dale mas de seis tonelada de arroz, seis tonelada de harina de maiz, tres tonelada de aceite y tres tonelada de agua. Para gendeh gasta grande, el branch ya hace arreglamiento que cumpra bultu de comida na ese mismo nacion en vez de cumpra caro comida na otro nacion.

 “Ya queda gayot kame maluya y dolorido,” ya habla el un hermana quien tiene nuevo casa ya destroza por causa na rebentada. Pero, el de suyu familia ya ricibi fisical y espiritual ayuda. Ahora, ele ya habla: “Por causa na ayuda de Jehova, ya tiene siempre kame el cosa kame necesita. Ya puede kame mira que ya carga si Jehova con el diamon pesades para puede kame aguanta.”

 Ya tiene serioso problema na financial el Venezuela por manada año. El maga hermano y hermana alla ta enfrenta dificil condicion, escasez de comida y ta omenta el crimen. Pero, el organizacion de Jehova nuay deja kanila.

 Durante del ya pasa service year, mas de $1.5 millon el ya gasta para cumpra y lleva con el maga comida y jabon na maga familia que necesita ayuda. El Venezuela branch yan report: “Gendeh facil lleva con el 130 tonelada de comida na entero nacion cada mes y despues, dale se con el maga hermano y hermana quien ta necesita.” Para asigura que gendeh man buluk el maga comida, el maga hermano ta imbia maga comida que gendeh pronto man buluk. El branch ya omenta: “Ta cumpra kame bultu de comida y maga comida que tiene na ese tiempo que mas barato. Despues, ta imbia kame con este na manera que diutay lang el gasto.”

 Si Leonel que un miembro del Disaster Relief Committee na Venezuela, ta ama con el de suyu assignment. “Especial este trabajo,” ya habla le. “Este privilegio ya anima gayot conmigo desde ya muri el de mio mujer na COVID-19. Ya esta yo ocupao y ya sinti yo que ya queda yo usable na maga hermano y hermana quien necesita ayuda. Personal yo ya experiencia si paquemodo si Jehova ta cumpli con el de suyu promesa que gendeh le abandona con el de suyu maga siervo.”

 El un hermano quien ya ricibi ayuda amo miembro de relief committee de antes. “Ahora, iyo tambien el necesita ayuda,” ya habla le. “Gendeh lang material cosas el ya ricibi kame. El maga hermano ya ayuda tambien conmigo y con el de mio mujer que esta calmao. Ya cuida sila kanamon, ya dale comforta y ya anima.”

 El cuanto calamidad ta sucede sin aviso. Pero, el organizacion de Jehova pirmi tiene el cosa necesita y pronto ta imbia con ese maga ayuda. Por causa se na de ustedes donacion na worldwide work. El cuanto maga manera para dona puede mira na donate.pr418.com. Ta aprecia gayot kame con el de ustedes pagka-bondadoso.