Del Octubre 29, 2022, ya hace na ciudad de Guayaquil, Ecuador con el un tournament del maga de con todo bueno soccer team na South America. Tiene maga 1,500 Testigo de Jehova quien ya participa na cart witnessing na maga dia antes y despues de este ocasion.

Ya pone el maga hermano 135 cart na 45 lugar na ciudad onde tiene manada gente. Manada el yan adjust con el diila maga schedule para puede sila participa na este especial manera de predicacion. Ciendo miles de maga visita el estaba na Brazil, el cuanto maga hermano y hermana ya aprende cuanto maga expresion na Portuguese para saca el interes de este maga turista.

Ya tiene buen resulta este manera de predicacion. Por ejemplo, na un dia lang, el maga publisher ya puede dale 796 publicacion. Todo-todo, ya puede sila distribui 5,139 literatura adentro na diez dia, hasta del Noviembre 2.

Si Hermano Davide del Monte quien ya ayuda organiza con este proyecto ya habla: “Por causa na pagka-bueno y bonito smile del maga hermano y hermana na maga cart, manada turista el ya letrata con el maga cart. El otro ya comenda kanila cay bien organizao sila y limpio el diila ichura y mudada. El cuanto ya menciona que necesita gayot con el diaton maga literatura.”

El un mujer quien ya atraca na uno del maga cart ya habla: “Lejos pa lang yo, ta conoce ya yo con ustedes. Dol tan cuento ya ustedes maskin nuay ustedes cosa ta hace. Bonito gayot este manera que ta hace ustedes.”

Claro que este manera de predicacion ya lleva alabanza con Jehova ciendo el de suyu sabeduria el “ta continua . . . grita na maga plaza” y “na canto del maga camino.”—Proverbio 1:20, 21.