Del Abril 1, 2022, ya principia otravez man miting na personal el maga Testigo de Jehova. Maskin tiene lingasa el maga hermano y hermana, ya perde se dayun por causa na alegria, risas y cantada de maga Kingdom song.

Para na cuanto, amo este el primer vez que ya puede sila atende na Kingdom Hall.

“Este el de mio primer vez que atende miting na Kingdom Hall,” ya habla si Hermano Krzysztof Hoszowski de Poland. “Ya estudia yo con el Biblia por medio na videoconference y yan stream con el de mio bautismo na Zoom. Tiene yo idea acerca na maga miting na personal cay ya puede yo mira manada video acerca con ese. Ya sinti gayot yo alegre por causa na amor, alegria y pagka-bueno del maga hermano y hermana na miting.”

Cuando ya principia el COVID-19 del Marzo 2020, el maga Testigo de Jehova ya principia man miting por medio na videoconference. Ahora, aquellos quien gendeh puede atende miting na personal, puede siempre atende online.

“Cuando ya principia el musica y ya principia yo canta con el primer cancion, ya sinti gayot grande alegria y apresacion cay ya puede yo man junto otravez con el maga hermano despues del dos año,” ya habla si Hermano Neil Campbell of Edinburgh, Scotland.

Ta rindi kita gracias con Jehova cay ya bendici le con el diaton atendida na maga miting na personal.—Salmo 84:10.