Del Octubre 21, 2024, ya tupa el Tifun Kristine na diferente maga lugar na Pilipinas. Ya queda este mas fuerte na norte parte del nacion y ya alcanza 160 kilometers per hour el viento de este. Cay bien fuerte el ulan y viento, ya tiene maga grabe avenida y landslide. Por causa con ese, ya queda destrozao el manada casa y camino y ya queda nuay agua y corriente el maga gente. Na mas de seis millon gente quien ta queda na maga afectao lugar, maga un millon el forzao ya evacua. Gendeh abaja na 126 el ya muri.

• Maka-triste, un hermana el ya muri

• 747 publisher el ya evacua

• 7 casa el destrozao

• 24 casa el ya tiene major damage

• 128 casa el ya tiene minor damage

• 8 Kingdom Hall el ya tiene minor damage

• Puera na espiritual comforta y ayuda, ta asigura el maga circuit overseer y maga local anciano que ta ricibi practical ayuda aquellos quien ya sale afectao na tifun

• 5 Disaster Relief Committee el ya forma para mira con el relief work

Ta sinti kita triste por causa na muerte y destrozo que ya causa este tifun. Pero ta continua kita esperanza y saca comforta na promesa na Biblia que na futuro, ese maga calamidad hay perde ya hasta para cuando.—Isaias 25:8.