El tifun Odette ya tupa na diferente parte del Pilipinas del Deciembre 16 hasta 18, 2021. Tiene este maximum sustained winds de 195 kilometers per hour cuando ya tupa este una na Siargao Island. Ya queda bien afectao el maga provincia na Northern Mindanao, Southern Luzon y Visayas.

• Maka-triste, 4 publisher el ya muri

• 1 publisher el perdido pa siempre

• 12 hermano y hermana el ya sale irido

• Mas de 2,000 publisher el ya evacua

• 246 casa el destrozao

• 327 casa el ya tiene major damage

• 1,174 casa el ya tiene minor damage

• 43 Kingdom Hall el ya tiene minor damage

• 6 Disaster Relief Committee el ya forma para mira con el relief work

• El maga local anciano tan shepherding con aquellos ya sale afectao, incluido con aquellos quien tiene ya muri na familia

• El todo quien ta ayuda na este trabajo ta sigui con el COVID-19 safety protocol

Bajo na direccion del maga anciano, el maga hermano y hermana na maga lugar que gendeh afectao ya dona maga comida y ropa para na maga publisher. El maga comida estaba na Davao City ya distribui dayun na maga familia na Surigao City.

Maka-triste cay el cuanto na diaton maga hermano y hermana ya muri na este calamidad. Mientras ta continua kita enfrenta con el “maga dificultad na ultimo maga dia,” ta continua kita confia que hay dale kanaton si Jehova comforta y fuerza.—2 Timoteo 3:1, El Nuevo Testamento na Chavacano.