AGOSTO 25, 2023
RUSSIA

“El De Mio Relacion con Jehova el Ta Dale Conmigo Grande Alegria”

MAN PLAY

Cerca ya anuncia el Goryacheklyuchevskoy City Court de Krasnodar el decision na caso de Hermano Pavel Sidorenko. El prosecutor nuay pa decidi si cosa sentencia le quierre que dale con Hermano Sidorenko.

Personal Informacion

Pavel Sidorenko

Año que Ya Nace: 1958 (Krymsk, Krasnodar Territory)

Corto Informacion: Ya trabaja como un mechanical engineer

Ya casa con Marina del 1981. Tiene sila un anak mujer

Ya queda interesao na maga Testigo de Jehova cuando ya puede contesta el Biblia con el de suyu maga pregunta acerca si paquemodo ya principia el vida. Ya bautiza sila de Marina del 1991

Si Cosa Le Ya Habla

Cosa texto na Biblia el ya puede anima contigo durante na este dificil situacion?

El un texto que ya ayuda conmigo amo el Roma 8:38, 39: “Bien asegurao yo cay ni el muerte ni el vida, ni el maga angel ni el maga Principe, ni el maga cosa-cosa que ta existi o gendeh pa ta existi, ni maskin cosa clase de poder, ni el maga fuerza del mundo—que alto o bajo—ni maskin cosa gayot na mundo, gendeh ay puede separta canaton na amor del Dios.” Ese maga palabra ya convinci conmigo que si Jehova nunca descanza ama conmigo y ese ta dale conmigo fuerza. Sabe le si cosa ta pasa conmigo y ta entende le si cosa yo ta sinti. El de mio relacion con Jehova el ta dale conmigo grande alegria.

Igual con Pavel, sabe kita que el diaton esfuerzo que esta na “camino del vida” hay resulta na grande alegria.—Salmo 16:11.

Time Line

Enero 26, 2022

Ya principia el caso
Enero 28, 2022

Yan search con el casa. Ya cuestiona con ele y ya dale maga restriccion acerca na viaje
Marzo 22, 2023

Ya principia el hearing na corte

MAGA NOTICIA