AGOSTO 23, 2023
RUSSIA

“Mas Ta Queda Yo Mafuerza”

MAN PLAY

Cerca ya anuncia el Lesosibirsk City Court de Krasnoyarsk con el decision na caso de Hermano Valeriy Schitz. Nuay pa decidi el prosecutor si cosa sentencia le quierre ricibi si Hermano Schitz.

Personal Informacion

Valeriy Schitz

Año que Ya Nace: 1966 (Bolshaya Murta, Krasnoyarsk Territory)

Corto Informacion: Ya trabaja na construccion

Ya casa con Irina del 1987. Tiene sila dos anak hombre

Ya principia sila del de suyu mujer estudia con el Biblia junto na maga Testigo de Jehova. Yan bilib sila na cumplimiento del maga profecia na Biblia y con el maga positivo efecto si aplica con el maga consejo na Biblia. Ya bautiza sila del 2008

Si Cosa Le Ya Habla

Cosa tu ya aprende cuando ya ricibi tu ayuda estaba na maga hermano y hermana?

Cuando ya oi el maga hermano y hermana acerca si cosa kanamon ya sucede, ya ayuda sila kanamon y ya dale mira el diila amor. Bondadoso sila y conforme sacrificia con el diila tiempo y fuerza para kanamon. Deverasan del primero, gendeh pronto para conmigo acepta ayuda estaba con otro. Sabe yo mas alegre aquellos quien ta dale contra con aquellos quien ta ricibi y yan anad yo que iyo pirmi ta dale con otro. Pero necesita yo cambia con el de mio mirada y queda conforme acepta ayuda. Cuando ya hace yo se, alegre yo ta puede mira que ta imita el otro con el amor que ya dale mira si Jehova y Jesus.

Cosa ta motiva contigo para continua aguanta?

El cada Cristiano hay experiencia probanza na fe. Maskin gendeh man kanaton pone na preso, pero baka enferma kita, experiencia injusticia o muri el diaton amigo o miembro del diaton familia. El Santiago 1:3 ta manda acorda conmigo que si ta experiencia probanza, ta tiene kita el clase de fe que ‘ta produci abilidad para aguanta con paciencia.’ (El Nuevo Testamento) Poreso pirmi yo ta reza con Jehova y ta habla si cosa yo ta sinti. Y cay pirmi yo ta reza, ta sinti yo que ta queda mas fuerte el de mio relacion con ele. Mas pa, cay sabe yo ta reza para conmigo el maga hermano y hermana na entero mundo, ta anima se conmigo y ta dale conmigo fuerza. Este persecucion posible hace luya con el de mio fisical cuerpo y limita con el cosa yo puede hace pero gendeh se puede sangga conmigo que esta leal con Jehova. Mas ta queda yo mafuerza.

Ta tiene kita comforta cay sabe kita que ayuda kanaton si Jehova y el diaton maga hermano y hermana maskin cosa probanza man kita hay experiencia.—1 Pedro 5:9, 10.

Time Line

Noviembre 19, 2021

Ya principia el caso
Noviembre 25, 2021

Yan search con el casa y ya arresta con ele para cuestiona
Noviembre 26, 2021

Ya prohibi con ele que hace con el cuanto actividad
Mayo 18, 2022

Ya dale maga restriccion acerca na viaje
Abril 10, 2023

Ya principia el hearing na corte

MAGA NOTICIA