Mientras ta queda grabe el guerra na region de Donetsk na Ukraine, yan viaje manada beses si Hermano Mykola Bozhedomov para na Kramatorsk para ayuda con el manada para escapa.

Pero, del Abril 8, 2022, ya muri si Mykola cuando yan bomba con el estacion de tren na Kramatorsk, na region de Donetsk.

Puera con el 58 año que si Mykola, uno na mas de 50 que ya muri amo el un hermana. Incluido tambien el un hermano na mas de 100 quien ya iri. El otro maga Witness quien talla na aquel incidente ya habla que tiene dos bien fuerte rebentada y maga shrapnel que yan calayat.

Si Nina que 32 año ya casao con Mykola, ya habla: “El de mio marido pirmi ta hace una con el interes del otro. Bien quierre-quierre gayot le ayuda con el maga de edad y enfermo hermano. Pero cada vez tan viaje le para na Kramatorsk, mas ta queda delicao el situacion. Ultimo viaje ya era quel de suyu.”

Junto sila dos ya bautiza del 1997. Un fiel anciano si Mykola por manada año. El maga hermano y hermana ta dale gayot mira amor y suporta con Nina. Ele ya habla, “El diila maga palabra de comforta ya ayuda gayot conmigo na este dificil tiempo.”

Ya habla tambien si Nina que ya dale con ele comforta el maga texto na Biblia, especialmente el Isaias 40:28-31. “Ya ayuda conmigo si Jehova para tene otravez fuerza,” si Nina ya habla. “Ya experiencia gayot yo el amor de Jehova. De antes, ta puede lang yo le acerca con ese amor na diaton maga publicacion pero ahora, iyo mismo el ya sinti con ese.”

Incluido si Nina na diaton maga rezo y aquellos quien tiene familia que ya muri na guerra. Sabe kita que si Jehova hay continua ayuda kanila.—Salmo 20:2.