Como maga Testigo de Jehova, alegre kame man cuento acerca na fe con el maga gente de todo religion, pero gendeh kame ta sigui na adoranza junto con aquellos quien tiene otro creencia. El Biblia ta dale mira que el maga deverasan Cristiano ta “queda unido” y un razon de ese amo cay uno lang el diila creencia. (1 Corinto 1:10, El Nuevo Testamento na Chavacano; Efeso 4:16; Filipo 2:2) Gendeh lang este basta cay tan uyun kame que importante el maga calidad igual na amor, compasion y perdon. El diamon creencia yan base na exacto saber que estaba na Biblia cay si nuay este, el diamon fe hay queda no vale nada.—Roma 10:2, 3.

 El Biblia ya explica que si man junto na adoranza el maga gente que tiene diferente creencia, puede este causa peligro na fe del un Cristiano. (2 Corinto 6:14-17) Poreso, nuay permiti si Jesus con el de suyu maga dicipulo que adora junto con aquellos otro el creencia. (Mateo 12:30; Juan 14:6) Na igual manera, el Ley del Dios que ya dale con Moises ya prohibi con el maga Israelita de antes que man junto con el maga gente de otro nacion alrededor kanila na diila adoranza. (Exodo 34:11-14) Na uliji, nuay acepta el maga fiel Israelita con el ayuda del maga gente quien tiene otro creencia para gendeh resulta na religioso alianza.—Esdras 4:1-3.

 Si. Igual con apostol Pablo, interesao kame entende con el cosa ta pensa y ta creé el “mas mucho gente” na diamon ministerio. (1 Corinto 9:19-22, El Nuevo Testamento) Si tan cuento kame, ta pricura kame aplica con el consejo del Biblia que dale mira “respeto” con otro gente.—1 Pedro 3:15, 16.