Gendeh. Ya menciona kame na diamon magasin, El Torre de Guardia: “Gendeh justo que forza con el maga gente para cambia religion.” a El siguiente razon ta dale mira si porque gendeh kame se ta hace:

•   Nuay forza si Jesus con el maga gente que acepta con el de suyu enseñanza. Sabe le que poco lang hay acepta con el de suyu mensaje. (Mateo 7:13, 14) Cuando nuay gusta el cuanto na de suyu maga dicipulo con el cosa le ya habla, nuay le sangga kanila que deja con ele.—Juan 6:60-62, 66-68.

•   Ya enseña si Jesus con el de suyu maga siguidores que no forza con otro que cambia con el diila creencia. En vez de forza con el maga gente para acepta con el buen noticia acerca na Reino del Dios, necesita sila busca con aquellos quien interesao.—Mateo 10:7, 11-14.

•   Ta acepta lang el Dios con el adoranza si ese con todo corazon ta hace el un persona. Poreso, nuay valor si forzao el un persona ya cambia religion.—Deuteronomio 6:4, 5; Mateo 22:37, 38.

 Deverasan, ta predica kame con el mensaje na Biblia “hasta na entero lugar del mundo” y ta hace kame se “na publico y na maga casa,” igual como cosa ya manda na Biblia. (Maga Actividad 1:8, El Nuevo Testamento; 10:42; 20:20) Igual con el maga Cristiano del primer siglo, ta acusa tambien kanamon que ta pricura kame convinci con otro para cambia religion. (Maga Actividad 18:12, 13) Pero, ese acusacion gendeh deverasan. Gendeh kame ta forza con otro que acepta con el cosa kame ta creé. Sino, ta creé kame que el maga gente debe tiene saber para puede sila hace diila decision base na cosa sila ya aprende.

 Gendeh kame ta forza con otro para cambia religion. Gendeh tambien kame ta usa con el religion para entra mete na politica, ni ta ofrece material cosas con otro para queda sila interesao queda uno kanamon. Otro kame con aquellos quien ta clama Cristiano pero gendeh ta honra con el Cristo cay ta hace sila ese maga cosas. b

 Si. El Biblia ta dale mira que tiene derecho el maga gente para cambia religion. Puede le na Biblia acerca con aquellos quien nuay sigui con el religion del diila maga pariente y con todo corazon ya decidi adora con el verdadero Dios. El cuanto ejemplo de ese amo kanda Abraham, Rut, cuanto na maga gente de Atenas y si apostol Pablo. (Josue 24:2; Rut 1:14-16; Maga Actividad 17:22, 30-34; Galacia 1:14, 23) Mas pa, ta dale mira na Biblia que el un persona tiene derecho iscuji que abandona con el adoranza que aceptable con Dios.—1 San Juan 2:19.

 El Universal Declaration of Human Rights ta suporta con el derecho del un persona que cambia religion. El United Nation ya llama con ese como el “fundacion del ley de entero mundo acerca na derecho del gente.” Ya menciona na ese documento que todo tiene el “libertad cambia con el de suyu religion o creencia” y “busca, ricibi y dale maga informacion o idea,” incluido ya el maga idea acerca na religion. c Siempre, aquellos quien tiene ese derecho necesita respeta con el derecho del otro que iscuji gendeh cambia con el diila creencia y gendeh acepta con el maga idea que gendeh sila tan uyun.

 Gendeh. El Biblia ta anima que respeta con todo, maskin cosa pa man el diila religion. (1 Pedro 2:17) Mas pa, el maga Testigo de Jehova ta obedece con el mandato na Biblia que honra con el diila maga mayores, maskin otro el diila religion.—Efeso 6:2, 3.

 Pero, gendeh todo el tan uyun na cosa ta habla el Biblia. El un mujer quien ya engranda na Zambia, ya habla: “Na diamon comunidad, si el un persona cambia religion, . . . para con otro, gendeh le leal y tan traidor le na de suyu familia y na comunidad.” Ya experiencia este mismo el mujer cuando teenager le cay yan Bible study le na maga Testigo de Jehova y nuay dura ya decidi le cambia religion. Ya habla le: “Pirmi conmigo ta habla de mio mayores que gendeh sila alegre na cosa yo ya hace. Dificil este cay importante para conmigo que ganá yo el diila favor. . . . El decision que iscuji queda leal con Jehova en vez na maga tradicion del religion gendeh quierre decir que tan traidor yo con el de mio familia.” d