Gendeh. El maga Testigo de Jehova ta creé que el Dios ya crea con el todo las cosas. Pero gendeh kame ta creé na creationism. Porque? Cay manada na maga idea de creationism gendeh uyun na cosa ta enseña el Biblia. Considera con el dos ejemplo:

1.   Largor del seis dia de creacion. Cuanto na maga creationist ta habla que el seis dia de creacion ta refiri na literal seis dia que tiene 24 hora cada dia. Pero el termino “dia” na Biblia puede refiri na mas largo tiempo.​—Genesis 2:4; Salmo 90:4.

2.   Edad del planeta tierra. Cuanto na maga creationist ta enseña que cuanto mil año pa lang ta existi el planeta tierra. Pero asegun na Biblia, el tierra y el universo ya existi ya antes pa el seis dia de creacion. (Genesis 1:1) Poreso, el maga Testigo de Jehova tan uyun na research del maga scientist que ta indica que el tierra posible ya existi mas de billon año ya.

 Maskin ta creé el maga Testigo de Jehova que tiene quien ya crea con el todo las cosas, gendeh kame contra na ciencia. Ta creé kame que el verdadero ciencia harmonia na cosa ta enseña el Biblia.