Gendeh. Maga Cristiano sila y base na Escritura el diila creencia. Tiene cuanto religion ta enseña que el suceso donde el maga Judio ta bira na Palestine amo base na un profecia na Escritura. Pero, gendeh ta creé el maga Testigo de Jehova que ese suceso base na Escritura. Gane, el Escritura gendeh ta suporta con el maskin cosa gobierno de gente o ta considera que mas importante el un raza que con otro. El The Watchtower, el magasin que tan publish el maga Testigo de Jehova, claro ya habla: “El Escritura gendeh ta suporta con el Zionism.”

 El Encyclopædia Britannica ta menciona que el Zionism amo un “nacionalistico actividad del maga Judio que el goal amo establicia y suporta con el estado del maga Judio na Palestine.” Estaba este na religion y politica. El maga Testigo de Jehova gendeh ta suporta con el Zionism como un doctrina de religion y neutral sila na politica.

 El maga Testigo de Jehova amo un religioso organizacion y gendeh ta suporta con el maskin cosa forma de politica, incluido ya el Zionism. Manada evidencia que neutral el maga Testigo de Jehova. Na cuanto maga lugar, mas ya iscuji sila que persigui kanila contra man compromiso na diila neutralidad. Convincido kame que el Reino del Dios lang na cielo el puede dale deverasan paz na tierra y gendeh el maskin cosa gobierno o maga actividad de gente.

 Maskin onde man sila ta queda, el maga Testigo de Jehova ta obedece con el maga ley de gobierno. Gendeh sila tan rebelde contra na gobierno o ta participa na guerra.