Ta sigui kame con el mirada del Biblia na matrimonio y divurcio. Ya hace el Dios con el arreglamiento de matrimonio para queda un permanente union entre na un hombre y un mujer. El sexual imoralidad amo el solamente razon que puede man divurcio el man maridable.—Mateo 19:5, 6, 9.

 Si, por medio de este:

•   Publicacion. Este maga material puede ayuda para hace fuerte con el matrimonio, maskin de aquellos dol gendeh mas puede compone. Por ejemplo, mira con el articulo “Maintaining Commitment in Your Marriage,” “How to Forgive” y “Rebuilding Trust in a Marriage.”

•   Miting. Ta discuti kame con el practical consejo del Biblia na matrimonio na diamon maga miting na congregacion, asemblea y convencion.

•   Anciano. El maga anciano na congregacion ta ayuda con el man maridable y ta dale kanila mira texto na Biblia igual como el Efeso 5:22-25.

 Gendeh. Maskin pa pidi ayuda con el maga anciano el man maridable quien tiene problema na matrimonio, nuay autoridad el maga anciano para habla kanila si cosa sila necesita hace. (Galacia 6:5) Pero si tiene quien quierre man divurcio que gendeh base na Biblia el razon, gendeh le puede casa otravez.—1 Timoteo 3:1, 5, 12.

 El Biblia ta anima con el man maridable que esta junto maskin pa dificil el diila situacion. (1 Corinto 7:10-16) Manada problema el puede solva si sincero sila reza, aplica maga principio na Biblia y dale mira amor.—1 Corinto 13:4-8; Galacia 5:22, NWT.

 Pero, na maga grabe situacion igual na siguiente, cuanto Cristiano el ya decidi que separta con el diila marido o mujer:

•   Intencional gendeh ta suporta con el familia.—1 Timoteo 5:8.

•   Por demas abuso na fisical.—Salmo 11:5.

•   Ta pone na peligro el espiritualidad. Por ejemplo, posible que el un marido o mujer ta forza con el un Witness que desobedece con el mandamiento del Dios. El de suyu marido o mujer posible decidi separta si ese lang el solamente manera para “obedece con el Dios, y gendeh con el maga gente.”—Maga Actividad 5:29.