Gendeh kame ta evita con el maga bautizao Testigo de Jehova quien gendeh mas ta predica o ta man junto con el de suyu maga hermano y hermana na fe. Sino ta pricura kame anima y ayuda kanila na espiritual manera.

 Gendeh kame dayun-dayun tan disfellow con el un hermano o hermana quien ya comete serioso pecado. Pero, si el un bautizao Testigo de Jehova ta continua hace un cosa que contra na moral principio na Biblia y gendeh ta arripinti, hay man disfellow con ele. El Biblia claro ta habla: “Icha afuera con el mal gente del di ustedes grupo.”—1 Corinto 5:13, El Nuevo Testamento.

 Paquemodo si maga Testigo de Jehova siempre el mujer y anak del individual con quien yan disfellow? Hay perde el diila espiritual relacion pero hay esta siempre el diila relacion como un familia. Hay continua siempre el diila matrimonio, amor y tratamiento como man familia.

 Puede siempre atende na diamon miting el maga disfellow. Si quierre sila, puede tambien kanila dale espiritual consejo el maga anciano na congregacion. El goal amo para ayuda con el cada individual queda otravez cualificao queda un Testigo de Jehova. Si gendeh mas sila ta continua con el diila mal conducta y ta sigui ya con el maga principio na Biblia, puede sila otravez queda uno del maga Testigo de Jehova.