El organizacion del maga Testigo de Jehova na moderno tiempo ya principia del ika-19 siglo. De aquel tiempo, un grupo de maga estudiante del Biblia quien ta queda cerca na Pittsburgh, Pennsylvania, na United States, el ya principia examina con el Biblia na sistematico manera. Ya compara sila con el cosa sila ta aprende na iglesia na cosa deverasan ta enseña el Biblia. Yan publish sila con el cosa sila ya aprende na maga libro, diario y na magasin que ta llama ahora El Torre de Guardia—Que Ta Anuncia con el Reino de Jehova.

 Uno kanila amo si Charles Taze Russell. Maskin pa ele el ya principia con el trabajo de enseñada acerca na Biblia y el primer editor del El Torre de Guardia, gendeh ele el founder diamon. El goal de Russell y del otro maga Estudiante del Biblia, como cosa ta llama con el diila grupo de antes, amo manda sabe con otro acerca el maga enseñanza de Jesucristo y sigui con el cosa ya hace el maga Cristiano del primer siglo. Ciendo si Jesus el Founder del Cristianidad, ta considera kame con ele como el founder del diamon organizacion.—Colosa 1:18-20.