Por causa cay ta ama sila con Dios y con el diila maga vecinos, el maga Testigo de Jehova alegre tan share con el mensaje del Biblia con todo gente, incluido ya aquellos quien ya habla “Gendeh yo interesao.” (Mateo 22:37-39) El diamon amor para con Dios ta manda move kanamon para obedece con el mandamiento del de suyu Anak que “predica el Buen Noticia con el maga gente.” (Maga Trabajo 10:42, El Nuevo Testamento; 1 San Juan 5:3) Igual con el maga profeta del Dios de antes, gendeh lang una vez kame ta anda na maga gente para predica el mensaje del Dios. (Jeremias 25:4) Cay ta ama kame con el diamon maga vecinos, ta pricura kame predica el “Buen Noticia acerca del Reino” con todo, incluido ya aquellos quien gendeh interesao del una.—Mateo 24:14.

 Na manada situacion, ta puede kame incuntra maga interesao persona si ta bira kame na casa de aquel quien gendeh interesao del una. Considera con el tres razon:

•   Ta cambia casa el maga gente.

•   El otro quien ta esta na casa interesao na diamon mensaje.

•   Ta cambia el reaccion del gente na mensaje. El maga suceso na mundo y circumstancia del gente ta causa con el cuanto para “pensa el diila espiritual necesidad” y queda interesao na mensaje del Biblia. (Mateo 5:3, NWT) Igual con apostol Pablo, aquellos quien tan contra del una posible cambia el pensamiento.—1 Timoteo 1:13.

 Pero gendeh kame ta forza con otro que acepta con el diamon mensaje. (1 Pedro 3:15) Ta creé kame que si acerca na cosas que tiene que hace na adoranza, el cada individual debe hace de suyu mismo decision.—Deuteronomio 30:19, 20.