Obligao Ba Yo Queda Uno del Maga Testigo de Jehova si Man Bible Study Yo Junto Kanila?
Gendeh tu obligao queda Witness. Millones de aquellos quien tan enjoy man Bible study junto kanamon el nuay queda un Testigo de Jehova. a El proposito del Bible study amo para dale mira contigo si cosa ta enseña el Biblia. Etu el decidi si cosa tu hace con el cosa tu ya aprende. Sabe kame que personal decision del un persona que iscuji religion.—Josue 24:15.
Puede ba yo usa de mio mismo Biblia si tan Bible study?
Si. Tan enjoy kame usa con el New World Translation of the Holy Scriptures y puede tambien kame dale contigo un libre copia si quierre tu. Pero, alegre siempre kame si usa tu con el de tuyu mismo Biblia. Puede tu sabe el mensaje del Biblia acerca na esperanza y salvacion na maskin cosa translation.
Porque ustedes tan Bible study con el maga gente quien gendeh man cambia na de ustedes religion?
El razon si porque kame ta enseña amo el diamon amor con Dios Jehova, quien quierre que enseña el maga Cristiano con otro acerca na cosa sila ya aprende. (Mateo 22:37, 38; 28:19, 20) Para kanamon, nuay mas grande privilegio que queda “trabajador de Dios” que ayuda con el maga gente sabe si cosa ta enseña el de suyu Palabra.—1 Corinto 3:6-9.
Ta ama tambien kame con el diamon vecinos. (Mateo 22:39) Alegre kame man share con otro acerca el maga bonito cosas que ya aprende kame.—Maga Actividad 20:35.
a Para tiene tu idea acerca na diamon Bible study program, del 2023 yan conduct kame 7,281,212 Bible study cada mes, manada de este el junto-junto tan Bible study. Pero, 269,517 lang el ya bautiza como maga Testigo de Jehova ese año.
Baka Gusta Tambien Tu
MAGA COMON PREGUNTA
Cosa Ta Creé el Maga Testigo de Jehova?
Sabe acerca na 15 aspeto del diamon creencia.
ACERCA KANAMON
Paquemodo Ta Hace el Bible Study?
Na entero mundo, conocido con el maga Testigo de Jehova que ta ofrece libre Bible study. Sabe si paquemodo este ta hace.
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
CONTESTACION NA MAGA PREGUNTA ACERCA NA BIBLIA
Cosa Kita Necesita Hace Para Entende con el Biblia?
Maskin cosa man el de tuyu background, posible tu siempre entende con el mensaje del Dios na Sagrao Escritura.
ENSEÑANZA DEL BIBLIA
Pruba con el Libre Estudiada
Pruba con el diamon libre estudiada de Biblia junto con el un Testigo de Jehova.