Base pirmi na Biblia el diamon enseñanza, poreso ta hace kame cuanto cambio na diamon enseñanza mientras ta queda mas claro el diamon entendimiento na Biblia. a

 Ese maga cambio uyun na principio na Proverbio 4:18 que ta habla: “El camino del maga recto igual como na ardor del sol que ta queda mas arde hasta llega el media dia.” Igual si paquemodo hinay-hinay ta queda claro el alrededor mientras ta subi el sol, hinay-hinay tambien ta hace entende el Dios con el verdad, na de suyu justo tiempo. (1 Pedro 1:10-12) Como cosa ya predicta el Biblia, mas ya hace le con este durante el “tiempo del fin.”—Daniel 12:4.

 Nuay kame espanta o man lingasa na ese maga cambio. El maga siervo del Dios de antes yan kamali tambien na cosa sila ta creé y ta expecta. Poreso, ya cambia sila con el diila entendimiento.

•   Ya pruba salva si Moises con el nacion de Israel 40 año que mas abante na tiempo que ya iscuji el Dios.—Maga Actividad 7:23-25, 30, 35.

•   Nuay entende el maga apostoles con el profecia acerca na muerte y resureccion del Mesias.—Isaias 53:8-12; Mateo 16:21-23.

•   El cuanto maga Cristiano de antes ya tiene gendeh justo idea acerca si cuando llega el “Dia del Señor.”—2 Tesalonica 2:1, 2.

 Na uliji, ya corecta kanila el Dios y ta reza kame que continua le se hace kanamon.—Santiago 1:5.