Gendeh, cay el adoranza con Dios amo un personal decision. (Roma 14:12) El maga Testigo de Jehova ta enseña con el diila maga anak acerca na maga principio na Biblia pero si queda ya sila grande, el cada uno kanila debe decidi si quierre ba sila queda uno del maga Testigo de Jehova.—Roma 12:2; Galacia 6:5.

 Igual na mayoria del maga mayores, el maga Testigo de Jehova quierre si cosa el de con todo bueno para na diila maga anak. Ta enseña sila maga cosas que ta pensa sila que puede ayuda con el diila maga anak: maga practical cosas, principio na moral y el diila creencia. Ta creé el maga Testigo de Jehova que el Biblia puede ayuda con el maga gente que tene el de con todo buen vida. Poreso, ta enseña sila con el diila maga anak el importancia de este por medio na estudiada del Biblia y atendida na maga miting junto kanila. (Deuteronomio 6:6, 7) Si ya queda ya grande el maga anak, el cada uno kanila puede decidi si sigui ba sila con el religion del diila mayores.

•  Ta bautiza ba el maga Testigo de Jehova con el maga baby?

•  El maga Testigo de Jehova ba ta desconoce con el diila maga anak si iscuji este que gendeh bautiza?

•  Porque ta lleva el maga Testigo de Jehova con el diila maga anak si ta predica sila?

•  El maga Testigo de Jehova ba ta participa na maga holiday o otro celebracion?

•  Cosa ta sinti el cuanto del maga anak del maga Testigo de Jehova?

 Gendeh. Gendeh ta enseña el Biblia que bautiza con el maga baby. Por ejemplo, ta dale este mira que antes bautiza el maga Cristiano del primer siglo, ya oi anay sila con el mensaje, “ya acepta” con ese y ya arripinti. (Maga Actividad 2:14, 22, 38, 41, El Nuevo Testamento na Chavacano) Entonces, para puede bautiza el un persona, debe ta entende le si cosa ta enseña el Biblia, debe ta creé le con ese y debe hace le el decision que sigui con ese maga enseñanza. Gendeh este puede hace el maga baby.

 Mientras ta engranda el maga bata, posible hay decidi sila que bautiza. Pero antes sila hace con ese, debe sila entende que un serioso decision este.

 Gendeh. Ta queda triste el maga Testigo mayores si decidi el diila anak que gendeh sigui con el diila religion. Maskin pa ansina, ta ama siempre sila con el diila anak y gendeh ta termina con el diila relacion por causa lang cay no quierre este que queda un Testigo.

 Ta lleva kame con el diamon maga anak na predicacion por causa na cuanto razon. a

•   El Biblia ta enseña con el maga mayores que enseña con el diila maga anak acerca con Dios y man train kanila que adora con ele. (Efeso 6:4) Para puede adora con Dios, el un persona necesita declara con el de suyu fe na publico poreso importante el predicacion si ta enseña con el un bata acerca con Dios.—Roma 10:9, 10; Maga Hebreo 13:15.

•   El Biblia especifico ya anima con el maga jovenes que “alaba . . . con el nombre del Señor.” (Salmo 148:12, 13, King James Version) El un importante manera para alaba con Dios amo que man cuento con otro acerca con ele. b

•   Ta beneficia el maga bata si ta sigui sila predica con el diila mayores. Por ejemplo, ta puede sila aprende si paquemodo puede man cuento con el todo clase de maga gente. Mas pa, ta puede tambien sila cultiva maga buen calidad igual na compasion, pagka-bueno, respeto y queda preparao hace maga sacrificio. Ta puede tambien sila mas entende con el maga razon del diila creencia que base na Biblia.

 El maga Testigo de Jehova gendeh ta participa na maga holiday que tiene que hace na religion o otro pa maga celebracion que gendeh aceptable con Dios. c (2 Corinto 6:14-17; Efeso 5:10) Por ejemplo, gendeh kame ta celebra maga birthday o Christmas, maga celebracion que nuay origina na maga Cristiano.

 Maskin pa ansina, alegre kame man junto con el diamon familia y dale regalo con el diamon maga anak. En vez de man junto como un familia y dale regalo na un especifico tiempo lang, ta hace kame con ese maskin nuay ocasion.