Na Biblia, el Griego termino que tiene vez tan translate “iglesia” ta refiri na grupo de gente quien ta adora con Dios y gendeh na facilidad que donde sila ta anda para na diila adoranza.

 Nota este ejemplo: Cuando si apostol Pablo ya escribi carta para na maga Cristiano na Roma, ya man quetal le con kanda Aquila y Priscila y ya habla: “Ta imvia tamen yo mi saludo para con el Iglesia que ta man junto na diila casa.” (Roma 16:5) Nuay si Pablo imbia de suyu saludo o man quetal con el facilidad sino con el maga gente​—el congregacion que tan junto-junto na aquel casa. a

 Poreso, en vez llama iglesia con el diamon lugar de adoranza, ta usa kame con el termino “Kingdom Hall.”

 Justo este termino por causa na cuanto razon:

•   El facilidad amo un hall o lugar onde tan miting.

•   Tan junto-junto kame para adora con Jehova que amo el Dios asegun na Biblia y para man testigo acerca con ele.​—Salmo 83:18; Isaias 43:12.

•   Tan junto-junto tambien kame para aprende acerca con el Reino del Dios que amo el tema del predicacion de Jesus.​—Mateo 6:9, 10; 24:14; Lucas 4:43.

 Welcome tu para visita na Kingdom Hall que cerca na de ustedes lugar y mira si paquemodo ta hace el maga Testigo de Jehova con el diila maga miting.