Si. Todo maga Testigo de Jehova ta sirvi como maga predicador o ministro, incluido aqui el manada maga mujer. Amo este el cosa ya predicta el Biblia: “El maga mujer quien ta proclama el buen noticia igual como un grande grupo de soldao.”​—Salmo 68:11.

 El maga mujer Testigo de Jehova ta imita con el ejemplo del maga mujer que ya menciona na Biblia. (Proverbio 31:10-​31) Maskin gendeh sila el ta guia con el congregacion, ta participa sila na trabajo predicacion. Ta enseña tambien sila maga principio na Biblia con el diila maga anak. (Proverbio 1:8) Na diila maga palabra y accion, ta pricura sila queda buen ejemplo para con otro.​—Tito 2:​3-5.