Ya dale mira si Jesus na Mateo 28:19, 20 si cosa el necesita para queda uno del maga Testigo de Jehova. Na ese texto ya menciona que el un persona necesita converza o man testigo acerca con Jehova para queda dicipulo del Cristo.

 Step 1: Aprende si cosa el Biblia ta enseña. Ya manda si Jesus con el de suyu maga siguidores “hace maga dicipulo . . . y insiña canila.” (Mateo 28:19, 20) El palabra que yan translate “dicipulo” literal quierre decir “estudiante.” El Biblia ta contene maga informacion que necesita tu para queda alegre y vivi na buen manera. Puede tu se aprende especialmente na maga enseñanza de Jesus. (2 Timoteo 3:16, 17) Alegre kame ayuda contigo para aprende si cosa el Biblia ta enseña por medio na un libre Bible study.—Mateo 10:7, 8; 1 Tesalonica 2:13.

 Step 2: Aplica con el cosa tu ta aprende. Ya habla si Jesus que el un persona debe tambien “obedece con el todo el que ya manda [le].” (Mateo 28:20) Ese quierre decir que tan Bible study tu gendeh para tiene lang saber sino debe este manda move contigo para hace maga cambio na de tuyu pensamiento y custumbre. (Maga Actividad 10:42; Efeso 4:22-29; Maga Hebreo 10:24, 25) Aquellos quien ta sigui con el cosa ya manda si Jesus ta hace personal decision que dedica el diila vida con Dios Jehova.—Mateo 16:24.

 Step 3: Bautiza. (Mateo 28:19) Na Biblia, el bautismo ya compara na intierro. (Compara na Roma 6:2-4) Ta sirvi se como simbolo de muerte del daan manera de vida y principio del un nuevo manera de vida. Entonces, el de tuyu bautismo amo el manera para dale mira na publico que ya hace ya tu con el primer dos cosas que ya menciona si Jesus y ta pidi tu con Dios un limpio conciencia.—Maga Hebreo 9:14; 1 Pedro 3:21.

 Converza con el maga anciano na congregacion. Man cuento sila contigo para asigura si ya entende ba tu si cosa el envuelto, si ta aplica ba tu con el cosa tu ya aprende y si con todo corazon tu ya dedica el de tuyu mismo cuerpo con Dios.—Maga Actividad 20:28; 1 Pedro 5:1-3.

 Si. Ya hace kame kanila “engranda con disciplina y instruccion que ta sale con el Señor [Jehova],” como cosa ya manda na Biblia. (Efeso 6:4) Pero, mientras ta engranda sila, necesita sila personal decidi si quierre ba sila aprende, acepta y aplica con el cosa ta enseña el Biblia antes sila queda cualificao para na bautismo. (Roma 12:2) El cada individual debe decidi si sirvi ba le con Dios o gendeh.—Roma 14:12; Galacia 6:5.