Ta usa kame con el maga donacion para suporta con el maga actividad del diamon organizacion y para ayuda con el maga gente. Ta hace kame con este maga actividad como parte del diamon de con todo importante trabajo que ayuda con el maga gente que queda dicipulo de Cristo Jesus.—Mateo 28:19, 20.

 Gendeh kame ta usa con el maga donacion para hace rico con el maskin quien persona. Gendeh kame ta paga con el maga anciano o ministro y na maga Testigo de Jehova para anda predica. Aquellos ta sirvi na diamon maga branch office y na diamon world headquarters, incluido aquellos miembro del Cuerpo Gobernante, amo miembro del un religioso organizacion y nuay sueldo que ta ricibi.

•   Ta Hace Maga Publicacion: Tan translate kame, tan print, ta imbia y ta distribui millones de copia del Biblia y otro maga publicacion cada año que nuay pago. Y libre el maga online publicacion na website jw.org y na JW Library app y nuay tambien este maga advertisement.

•   Ta Construi y Ta Mentena Maga Facilidad: Ta construi kame y ta mentena maga simple lugar de adoranza na entero mundo para tiene lugar onde puede man miting y alaba con Dios el maga hermano y hermana. Ta construi tambien kame y ta mentena maga branch office y translation office. Maga voluntario el quien ta hace con el mayoria de este maga trabajo. Por causa con este, ta queda menos el maga gasto.

•   Ta Organiza con el Diamon Maga Actividad: Por causa na maga donacion na diamon worldwide work, ta puede suporta con el maga actividad na diamon world headquarters, maga branch office y translation office, y el maga actividad de aquellos quien ta sirvi na traveling work.

•   Predicacion: Gendeh ta paga con el maga Testigo que predica con el buen noticia o enseña con otro acerca na “Palabra del Dios.” (2 Corinto 2:17, El Nuevo Testamento na Chavacano) Pero igual con el maga actividad del maga Cristiano del primer siglo, el maga ministro con quien ya iscuji y yan train y quien ya dedica manada tiempo na trabajo predicacion ta ricibi ayuda estaba na diamon organizacion. Ta dale kanila simple casa y maga importante necesidad na vida.—Filipo 4:16, 17; 1 Timoteo 5:17, 18.

•   Enseñada: El maga gasto na asemblea y convencion ta saca na diamon maga donacion. Mas pa, ta produci kame maga audio y video program que base na Biblia. Tiene tambien kame maga escuela que tan train con el maga anciano y maga ministro quien ta sirvi full-time para queda mas efectivo na diila maga assignment.

•   Ta Ayuda si Tiene Calamidad: Ta dale kame comida, agua y casa para con aquellos quien ya queda victima del natural calamidad y maga calamidad que ya causa el gente. Ta beneficia na este ayuda gendeh lang “el [diamon] maga hermano y hermana na fe” sino pati aquellos maga gendeh Testigo.—Galacia 6:10.