Para con el manada gente, el cruz amo el simbolo del Cristianidad. Maskin pa Cristiano el maga Testigo de Jehova, gendeh kame ta usa cruz na diamon adoranza. Porque?

 Un razon amo que el Biblia ta dale mira que nuay muri si Jesus na cruz sino na estaca, un derecho palo. Mas pa, el Biblia ta habla que el maga Cristiano debe “evita de adorar con ese maga idolo.” (1 Corinto 10:14, El Nuevo Testamento) Ese ta indica que gendeh debe usa con el cruz na adoranza.​—1 San Juan 5:​21.

 Si Jesus ya habla: “Ansina ay sabe todo el maga gente cay ustedes dimio maga dicipulo: Si tiene ustedes amor con uno y otro.” (Juan 13:34, 35) Por medio con ese maga palabra, ya dale mira si Jesus que amor el identificacion del de suyu maga verdadero siguidores y gendeh el cruz o maskin cosa imagen.