Si. El maga Testigo de Jehova ta usa maga medicina y ta acepta curada medical. Ta pricura kame cuida con el diamon salud pero tiene vez, ta necesita kame “el ayuda del doctor.” (Lucas 5:31, El Nuevo Testamento) Gane, igual con Lucas, doctor el cuanto na maga Testigo de Jehova.—Colosa 4:14.

 Pero tiene maga curada que contra na maga principio na Biblia y ta evita kame con ese. Por ejemplo, gendeh kame ta acepta abonada de sangre cay el Biblia ta prohibi con ese. (Maga Actividad 15:20) Ta prohibi tambien el Biblia con el maga manera de curada que donde envuelto el maga practica que tiene que hace na espiritismo.—Galacia 5:19-21.

 Pero manada clase de curada el gendeh contra na maga principio na Biblia. Na ese situacion, el cada individual el quien decidi si acepta ba le con ese o gendeh. Baka acepta el un Testigo de Jehova con el un clase de medicina o curada, mientras el otro siervo posible gendeh acepta con ese.—Galacia 6:5.