Gendeh ta dale diez por ciento el maga Testigo de Jehova. El pondo que ta usa na diamon maga trabajo amo estaba na maga voluntario donacion. Onde estaba el idea que dale diez por ciento y porque el maga Testigo de Jehova gendeh con ese ta practica?

 El mandamiento que contribui diez por ciento del maga cosas que tiene el gente amo parte del Ley que ya dale con el nacion de Israel de antes. Pero claro ta dale mira el Biblia que ese Ley, incluido “el ley para saca tamen un dies parte del maga cosas que tiene el maga gente,” gendeh mas aplicable para na maga Cristiano.​—Hebreo 7:​5, 18, El Nuevo Testamento; Colosa 2:​13, 14.

 En vez queda obligao dale diez por ciento y ofrecimiento, el maga Testigo de Jehova ta imita con el maga Cristiano de antes y ta suporta con el diila ministerio na dos manera: ta predica sila y ta enseña con otro que nuay pago y ta dale maga voluntario donacion.

 Na ese manera ta sigui kame con el instruccion del Biblia para na maga Cristiano: “Cada uno necesita dale el cosa le ya decidi na disuyo corazon gendeh alang-alang o forzao, cay el Dios ta ama con aquel quien ta dale con alegria.”​—2 Corinto 9:7.