Mahungu a manene o bhalwa ngu Luka 3:1-38
3 Ka dilembe da wu 15 da kufuma ka Khezari Tibheriyo, mbimo yi Ponsio Pilato i nga di mkoma wa Judheya, Herodha i di Adhimixtradhori wa ditiko da Judheya, mkoma wakwe Filipi i di Adhimixtradhori wa ditiko da Itureya ni Trakonita ni ku Lisaniya i di mkoma wa ditiko da Abhileni.
2 Ka masiku a tinduna ta vaprista Anasi ni Kayifasi, dipswi da Txizimu di tile ka Johani mwanana wa Zakariya, mbimo yi a nga di txiwulani.
3 Se ene a to tenderuka otshe matiko a Jordhani, e txhumayela ti to vathu ve bhabhatiswa, kasi ku ve kombisa ku ti sola ka sionho sawe ve mana kudivalelwa.
4 Nga ha ti nga bhalwa ngu kona ka mapswi a mprofeti Isaya aya ma ku kha ona: “Kupfala dipswi txiwulani di txi: ‘Lulamiselani nzila ya Jehovha basisani tinzila takwe.
5 Otshe maphala a tinzilani ma fanete kuvhaletelwa, yotshe mimango ni sotshe situnga si fanete kunivhelarwa,* totshe tinzila ti ti nga jika-jika ti fanete kululamiswa ni totshe tinzila to khwela ti fanete kubasiswa.
6 Votshe vathu va na kuwona kuhanyisa ka Txizimu’”*
7 Se Johani a txi gela txitshungu atxi txi nga txi tshuketela kwakwe kasi kuta bhabhatiswa a txi khene: “Anu vanana va timamba, mi getwe ngu mani ti to mi na huluka ka kuloviswa ku ku tako kani?
8 Ngu toneto, kombisani mithumo ya ku ti sola kwanu, mi nga ti geleni mi txi khanu: ‘Athu hi vanana va Abrahamu.’ Nguko na mi gela to Txizimu txi nga si kota kutxitxa marigwi yawa me va vanana va Abrahamu.
9 Ngu ditshuri ditxhapu di to gee hahatshi ka mndonga. Yotshe mindonga ayi yi si velekiko mihando ya yinene yi na gangwa yi hiswa.”
10 Se txitshungu txi to m’wotisa txi txi kha txona: “Hi fanete kumaha txani”?
11 Se ene a to va xamula a txi khene: “Awule a ku ni mabhaji mambidi* a na abane ni wule a si ngako ni txilo ni wule a ku ni sakudya nene a na mahe toneto.”
12 Hambi vakhupisi va txi tsula kasi ku ve ya bhabhatiswa va txi m’wotisa va txi kha vona: “M’gondisi hi fanete kumaha txani?”
13 A to khene kwawe: Mi nga hakeliseni* vathu resa yo pinda yi yi nga vekwa.”
14 Se masotxhwa ni ona ma txi m’wotisa ma txi kha ona: “Hi fanete hi maha txani?” Ene a to ma xamula a txi khene: “Mi nga xaniseni vathu* vo mbi na mnando ni ku mi nga lumbeti makuhu m’thu, kambe tsakani ngu si mi si manako.”*
15 Aku vathu va nga txi emela Kristu, va txi pimisa timbiluni kwawe ti to ti nga maha Johani i di ene Kristu.
16 Se Johani a to gela votshe a txi khene: “Ani ni mi bhabhatisa ngu mati ngu mhaka ya ku mi ti solako ka sionho sanu. Kambe awu a no gwita e ta, a ni mtamo ku ni pala, nem kha ni faneleki kutxhatxha tingoti ta masandaliya yakwe. Ene a na mi bhabhatisa ngu moya wo sawuleka ni mndilo.
17 Ene a nõte difoxola dakwe da makwasa ti to e hula ngu dona fulaho, futhi a na basisa wukhalo wo hulela ka wona. A na sengeleta fulaho txisangalani kwakwe, kambe matshanga a kona a na ma hisa ngu mndilo awu ti si kotekiko ku wu tima.”
18 Ngu toneto Johani a txi ningela silayelo sa singi ni kusimama e txhumayela mahungu ya manene ka vathu.
19 Kambe Johani a txi sola Herodha adhimixtradhori wa dhistritu, ngu mhaka ya Herodhiya msikati wa mkoma wakwe ni ngu timhaka totshe to biha a ti Herodha a nga ti mahile.
20 Ngu toneto, Herodha a to engetela wubihi wakwe ngu kubeta Johani jele.
21 Se Johani a bhabhatisile vathu vavangi e tshumela e bhabhatisa ni Jesu, mbimo yi a nga txi khongela nzuma yi to tuleka.
22 Se moya wo sawuleka wu to txhika txitimwi kwakwe wu txi nga dituva se ku to pfala dipswi do ta ngu nzumani di txi kha dona: “Awe u Mwanana wangu, khoni-khoni yangu, na xalala ngu ngawe.”
23 Mbimo yi Jesu a nga khata mthumo wakwe, ene ati ni kona mu ka 30 wa malembe. Nga ha ti nga txi ziwa ngu kona, ene i ti mwanana wa Josefa mwanana wa Heli,
24 mwanana wa Matati, mwanana wa Levhi, mwanana wa Meliki, mwanana wa Janayi, mwanana wa Josefa,
25 mwanana wa Matatiya, mwanana wa Amosi, mwanana wa Nahume, mwanana Esili, mwanana wa Nagayi,
26 mwanana wa Mate, mwanana wa Matatiya, mwanana wa Semeyi, mwanana wa Joseke, mwanana wa Jodha,
27 mwanana wa Jowanani, mwanana wa Resa, mwanana wa Zerobhabheli, mwanana wa Salatiyeli, mwanana wa Neri,
28 mwanana wa Meliki, mwanana wa Adhi, mwanana wa Kosamu, mwanana wa Elmadhamu, mwanana wa Heri,
29 mwanana wa Jesu, mwanana wa Eleyazeri, mwanana wa Jorimu, mwanana wa Matati, mwanana wa Levhi,
30 mwanana wa Simiyoni, mwanana wa Judhasi, mwanana wa Josefa, mwanana wa Jonamu, mwanana wa Eliyakimu,
31 mwanana wa Meleya, mwanana wa Mena, mwanana wa Matate, mwanana wa Natani, mwanana wa Dhavhidha,
32 mwanana wa Jese, mwanana wa Obhedhi, mwanana wa Bhowazi, mwanana wa Salmoni, mwanana wa Nasoni,
33 mwanana wa Aminadhabhe, mwanana wa Arni, mwanana wa Esroni, mwanana wa Perezi, mwanana wa Judha,
34 mwanana wa Jakobe, mwanana wa Izaki, mwanana wa Abrahamu, mwanana wa Tera, mwanana wa Nahori,
35 mwanana wa Seruki, mwanana wa Ragawu, mwanana wa Peleki, mwanana wa Ebheri, mwanana wa Sela,
36 mwanana wa Kayinani, mwanana wa Aripaxadhe, mwanana wa Semi, mwanana wa Nowa, mwanana wa Lameki,
37 mwanana wa Metusalema, mwanana wa Enoki, mwanana wa Jaredhi, mwanana wa Mahalaleli, mwanana wa Kayinani,
38 mwanana wa Enosi, mwanana wa Sete, mwanana wa Adhamu, mwanana wa Txizimu.
Titxhamuselo ta hahatshi 1.
^ Mwedo: “kulevhelwa.”
^ Kuhanyisa ka Txizimu nwendo nzila yi Txizimu txi hanyisako ngu yona.
^ Mwendo: “siambalo so txitxa.”
^ Mwendo: “kutekela.”
^ Mwendo: “kuva dhukisela.”
^ Mwendo: “m’holo wanu.”
