Mahungu a manene o bhalwa ngu Matewu 1:1-25
1 Adiya dibhuku da matimu* a Jesu Kristu,* mwanana wa Dhavhidha, mwanana wa Abrahamu.
2 Abrahamu a to veleka Izaki;Izaki a to veleka Jakobe;Jakobe a to veleka Judha ni vanakwe;
3 Judha ni Tamari va to veleka Perezi ni Zera;Perezi a to veleka Esroni;Esroni a to veleka Aramu;
4 Aramu a to veleka Aminadhabhe;Aminadhabhe a to veleka Nasoni;Nasoni a to veleka Salmoni;
5 Salmoni a to tekana ni Rahabhi ve veleka Bhowazi;Bhowazi a to tekana ni Rute ve veleka Obhedhi;Obhedhi a to veleka Jese;
6 Jese a to veleka mkoma Dhavhidha.
Dhavhidha a to tekana ni msikati wa Uriya ve veleka Solomoni;
7 Solomoni a to veleka Robhowamu;Robhowamu a to veleka Abhiya;Abhiya a to veleka Asa;
8 Asa a to veleka Josafati;Josafati a to veleka Joramu;Joramu a to veleka Uziya;
9 Uziya a to veleka Jothamu;Jothamu a to veleka Akazi;Akazi a to veleka Ezekhiya;
10 Ezekhiya a to veleka Manasi;Manasi a to veleka Amoni;Amoni a to veleka Josiya;
11 Josiya a to veleka Jekoniya ni vanakwe, mbimo yi va nga tekwa ve yiswa Bhabhilona.
12 Msana ko va di wile ngu Bhabhilona, Jekoniya a to veleka Salatiyeli;Salatiyeli a to veleka Zerobhabheli;
13 Zerobhabheli a to veleka Abhiyudhe;Abhiyudhe a to veleka Eliyakimu;Eliyakimu a to veleka Azori;
14 Azori a to veleka Zadhoki;Zadhoki a to veleka Akimi;Akimi a to veleka Eliyudhe;
15 Eliyudhe a to veleka Eleyazari;Eleyazari a to veleka Matani;Matani a to veleka Jakobe;
16 Jakobe a to veleka Josefa mwamna wa Mariya, mame wa Jesu awu a dhanwako ku i Kristu.
17 Kukhukhela ka Abrahamu kala ka Dhavhidha ku vile ni 14 wa tiveleko.* Kukhukhela ka Dhavhidha kala mbimo yi Vaisrayeli va nga yiswa Bhabhilona ku vile ni 14 wa tiveleko. Kukhukhela mbimo yi Vaisrayeli va nga yiswa Bhabhilona kala ka Kristu ku vile ni 14 wa tiveleko.
18 Kuvelekwa ka Jesu Kristu ku mahisile tiya: Mariya a ti wutilwe* ngu Josefa, kambe va sinzi kutxhadha a manekile a di ni txirumbu ngu mtamo wa moya wo sawuleka.*
19 Hambiketo, aku Josefa i nga ti wamwamna wo lulama* a txi lava ku ti gwitela kwawe dwe. Se a woni i di tshuku ku m’leka ti si ziwi ngu vavangi.
20 Kambe, msana kova Josefa a di pimisile ngu mhaka yoneyo, ngilozi ya Jehovha* yi to ta kwakwe ngu mloro yi m’gela tiya: “Josefa, mwana Dhavhidha, u nga thave kuteka Mariya nguko txirumbu atxi a ku natxo txi tisilwe ngu moya wo sawuleka.”
21 Ene a na veleka mwanana wa mfana, awu u no m’raya ditina do i Jesu nguko ene a na ponisa vathu vakwe ka sigoho sawe.
22 Totshe tiya ti humelete kasi ku kutatiseka ati Jehovha a nga womba ngu kuthumisa mprofeti wakwe, atxi khene:
23 “Hi nga wona! Mbiri* yi na mana txirumbu yi veleka mwanana wa mfana awu a no raywa ditina do i Emanuweli”, ati ti wombako ku “Txizimu txi ni nathu.”
24 Josefa a to wuka ngu wukoheni e maha nga ti ngilozi ya Jehovha* yi nga m’gelisa tona. Se a to teka Mariya msikati wakwe e m’wuyisa mtini.
25 Kambe kha maha nayo ta mataho kala kuza e veleka mwanana wa mfana, awu a nga m’raya ditina do i Jesu.
Titxhamuselo ta hahatshi 1.
^ Mwendo: “liveleko.”
^ Mwendo: “Mesiya; awu a nga totwa.”
^ Mwendo: “wa vatate.”
^ Mwendo: “a ti vhaletwe mapango, a ti aprezentarilwe.”
^ Mwendo: “mtamo wa Txizimu.”
^ Mwendo: “wa mapimo.”
^ Ka Mibhalo yo sawuleka ya Txigriki, ditina da Txizimu di humelela 237 wa sikhati, ahawa dikhambi do khata. Wona Tixhamuselo to gwita A5.
^ Mwendo: “Divhirijem.”
^ Wona Titxhamuselo to gwitisa A5.
