MAHANYELO A WUKRISTU

Vhuna vathu va va si khongeliko ti to ve ziva mvangi wawe

TXHAYA

Ina awe u ti nga thava kutxhumayela vathu va va si khongeliko, u txi pimisa ti to kha va na mbi amukela madungula ya u no va gela? i di toneto, khumbula ti to vathu va vangi ava va si khongeliko—kupata ni va va si tsakeliko—va va Tifakazi ta Jehovha. Makhambi o tala, totshe ti va nga txi tilava i ti txivhuno kasi ku ve maha wuxolisise wa ti to Txizimu txiho.—Var 1:20; 10:14.

XALELA VHIDHIYO AYI YI KU TI TO—VATHU VO MBI NA LIKHOLO VA NGAVA NI LIKHOLO!—VATHU VO MBI KHONGELA, U GWITA U XAMULA SIWOTISO ASI SI LONDISELAKO:

Txiperiyensia txa mwanathu Tommaso txi nga kuvhunisa kutxani ti to u va ni mawonelo a manene ngu kutxhumayela vathu va va si khongeliko?

Your answer

U nga mahisa kutxani

Ngako m‘thu a txi kombisa kwa mbi kholwa ka Txizimu, u nga ti karatiseli vana wo thutha u kombisa kukhatala ngu matipfelo akwe mayelano ni mhaka yiya. (2Tim 2:24) Womba-womba ngu ti ti nga mmahako e tsakela. Ina a tiemisete kuwomba-womba ngu timhaka ati ti nga maha vamwani ve kholwa ka mvangi? ngako a txi ina, Thumisa mabhuku ni mavhidhiyo aya ma womba-wombako ngu mhaka yoneyo. Mabroxhura aya ma ku A vida—Teve um Criador? Ni di di ku A origem da vida—Cinco perguntas que merecem resposta, maho ka Farameti yathu yo Gondisa kasiku me gwesa timbilu ngu nzila yo hehuka.

Makhatoni, u nga thava kubhula ni m‘thu awu a si kholwiko ka Txizimu. Ngu kutxani u si kombeli txivhuno ka muhuweleli a wu aku ni wusikoti? Khumbula ti to Jehovha a nga hi vhuna hi hokelela timbilu ta vathu va va nga tiemisela kuziva to tala—hambi makhatoni va si tumeli to txiho Txizimu.—Mith 13:48.

TXIBHUKWANA TXA MITSHANGANO YA MAHANYELO A WUKRISTU